اللي عندها ماكينة تغسيل الصحون تدخل..جزاكم الله الخير عمل يدوي

غالياتي اكيد من العنوان عرفتوا الموضوع؟؟

انا قاعدة ااثث بيتي واريد اخذ رايكم في ماكينة تغسيل الصحون وخاصة الخوات اللي جربوها..شو رايكم هل هي عملية في الغسيل..وشو الماركات الزينة اللي ما تخترب بسرعة؟؟

وكيف عن التوصيل للماي لها..هل تحتاج تنسيق مسبق وقت البنا وتوزيع نقاط الماء والكهربا والا عادي توصيلها بعدين؟؟

انتظر ردودكم الحلوة ومشاركتكم لي؟

في الانتظار وجزاكم الله خير

هلا احب عيالي …اشحالج الغلا ..؟؟؟
انا شريت الدش ووشر من سنه تقريبا ومستانسه عليه بشكل ما تتصورينه ..
عمليه جدا وتوفر عليج وقت وجهد ..بس الجدور ما تنغسل 100 % ..تقريبا نظافتها تكون 95 % اذا ما احترق قاعه ..
عن الماركه انا عندي سيمنس ..نظامه بسيط جدا زر تشغيل و3 انواع للغسيل تختارين مثلا الاكواب والملاعق يعني غسيل خفيف
وفيه للاطباق رقم 2 والاختيار الاخير رقم 1 وهو غسيل القدور والاواني المتسخه جدا ..
انا حاليا في شقه وقدرت اوصل الغساله بنفس مسلك المغسله سحب ماي نظيف وتصريف الوسخ ..
ما يحتاج شي يعني بسيط جدا ..
ولو تسويلنه مكان في مطبخج احسن وارتب ..يكون في الكبت مثلا مخفي ..او مثل مكان البوتجاز مثلا مفتوح ..يعني احسبي حسابه بين الكبتات في المطبخ …
اتمنى اني افدتج ..واقولج عني ما استغني عنه ابدا ..لاني بدون خدامه ..
نصيحه اخيره ..ما افضل تاخذين اللي يكون فيه وايد ازرار وقصه ..ترى بس شكل والكوالتي واحد ..

مشكورة حبيبتي على ردج ..وجزاج الله خير…بس من وين اقدر احصلها هنيه في الامارات او العين؟؟

الف شكر

meme 143

مشكورة على ردج الغالية ..الله يجزاج الخير

احب عيالي ..انا خذتها من وكيل سيمنس ..من الشركه نفسها ..
وتحصلين في كارفور او الجمعيه ..

انا نفسي اخذ وحده
وبعد ما قريت ردودكم شجعتوني

تسلمووون

خاطري امي تاخذها بس مو مقتنعه فيها تقول ماتنظف زين

كم سعرها تقريبا؟