السلامـ عليكم ورحمه الله وبركاتــه :::
شحالكـــن خــواتي :: عساكـــن مرتــاحـــات :::
اليــوم حبيـــت اطرح موضــوع :: يفيــد كل كروووشــه على وشـــك الولااااده::
حبيـــت تعطــونا من تجاربكــ،ــن وخبراتكـــن الطيبــه :::
انا هــذا اول حمـــل لي وخايفـــه وااايد من لحظــة الولاااده ,, يعني اهلـــي يشجعونـــي بس ربعي اللي ولدن يخوفونـــي ::: ريلـــي يقولي انتي لا تحطــين بالج فالويــع بس فكري فينـــي …خخخخ … الاخ يبغيني افكر في حتى فالولاده…
قلت له ما بفكر فيك بسبك يقول لي عادي المهم ما تحطين بالج عالويع .. _فديت روحه_ يشجعنـــي…
بس انا خايفة بعني كيف بيكون الألم وكيف اتحسي الحرمه اللي بتولد ..
بلــــــــيز لا تردووني ابغي كل وحده اتحط لي تجاربهاااا يعني من اول ما حست بألم الولاده لين ما ولدت ,,,
عسب اتشجعوني واتشجعووو اللي مثلـــي
ربي يرزق كل محروومه الذرية الصااالحه ,,, ويقومنا نحن الكرووشات بالسلااامه…
ترا هو بيطلع بيطلع والالم لابد منه …
بس ما عليج الالم عادي بتميين تترين الالم الاكبر اللي يقوون عنه ..
ما بتشوفين الا وهو طالع ..
الله يسهل عليج وتفرحين فيه ..
ومبرووووووووووك مقدما ..
انا بجري كاان واايد صعب
اسمييني تغربلت وبرووحي وخاايفة وكله ترجييع ولووعة لاخر يوم فالحمل
الالم ضروري …..بس لاتفكرين فالالم وتزيدين على روحج بالصرييييخ
ابدا لا تصاارخين وتحااولين تعلين صووتج لان هالشي بيتعبج وبيهد حييلج
وبتتلعوزين……….لاتخاافين قوي قلبج واذكري الله واقري القران اي شي بيحضرج حزة الولاادة
والا المخاااض…..انا من زوود ماكنت خاايفة عقب ماطلع اليااهل ياني تشنج مرتيين
اضطرييت اتنوم فالمستشفى 4 ايام وطلعت غصب على كفاالتي
يعني الخووف ماله دااعي خلي امج معااج او اختج توقف عرااسج ولا تخاافين وتفكرين واايد
اكلي تمر واايد فالشهوور الاخيرة لانه يسهل الولاادة
صدقيني هاللحظات رغم الالم وشدته تبقى ذكرياات فكل مرة تعيشينها بنشوتها يوم تطري عباالج
انا بدييت احن للمال والدلع ولدي عمره 3 سنوات ونص شوو رااايكم هههههههههههههههه
لا لا لا لا ماابي الحين دخييلكن خلووني اعدل عن الفكرة
ربي يسهل ولاادتكن ويرزق كل محرووومة ااامين ياا رب العالمين
لي عودة عن تجربتي الثاانيه
كاانت احلى تجربة الحمد لله موول ماتعذبت فيه فديت قلبه حبيبي
وان شاء الله اتشوفين الثاني جريب..
مخاوفج طبيعيه جدا بس تدرين مهما كلمناج وخبرناج عن تجاربنا تجربتج انتي بتكون غير ويوم تعيشين الجو روحج غير،، اولا اذكري ربج واكثري من الاستغفار طوول حملج واخر الشهور عليج بالتمر واللبن وفي الشهر التاسع امشي قد ما تقدرين،،، وويع الولاده مثل الم الدورة وبيتم يسير ويرد عليج لين ما تربين وعقب ما تخلصين بتحسين انه اللي مريتي فيه مثل الحلم. وبيني وبينج خلج شجاعه لانه حزه الولاده الشغل كله عليج وعلشان يخلص الموضوع بسرعه لازم تكونين مسيطره على اعصابج.