والحمدالله دايما اسوي التشيز كيك البارد (بدون فرن) واضبطه .
لكن مرة جربت تشيز كيك بالفرن في مطعم تشيليز
كان يممممممممممممممممممممم لذيييييييييييييييييييذ
حاليا انا مسوية مقاطعة للمطعم لانه امريكي ويخدم اسرائل الله يلعنها 
بحث في النت وحصلت وايد طرق لتشيز كيك بالفرن وسويت احدى الطرق . . الاهل عجبتهم
لكن انا بنظري ماعجبتني وايد.. ماضبطتها نفس المطاعم
وكانت لينة بزيادة .. تشيز كيك بالفرن تكون متماسكة نفس الكيك العادي لكن تكون ناااااااااااااعمة وايد وطعمها الذ من البارد بوايد.. وهي من الاطباق الفاخرة
ابغي اضبطها
ياليت تعلموني طريقة مضمونة من شيف او من مطعم ..
اي وحدة تعرف طريقتها لا تبخل علينا
واللي تدخل وماتعرف الطريقة ترفع الموضوع ^^!
عندي طريقه سهله .. ولذيذه بعد …بس ماعرف اذا هي نفس الطريقة اللي تبينها …
المهم بكتبلج اياها ….
بس لايغرج الكلام اللي بكتبه يمكن اتحسينها صعبه ^_^ …
يوم تجربينها بتحسينها وايد سهله …
يللا نبدأ في الطريقة ……
حطي في العجانة …
3 بيضات + خاشوقة فانيليا
1 سور كريم ..
2 جبنة فلادلفيا من الحجم الكبير
نص كوب شكر …
عصير ليمون .. تقريباً ليمونه وحده .. أنا أحبها حامضه شوي … فأنتي على حسب اللي يعجبج ..
ومرات احط قشر الليمون بعد ^_^ يم يم
وهاتي بسكوت دايجستف وحطيه في طحانة القهوه … تقريبا احط ربع العلبة
هو على حسب القالب اللي عندج اتسوين كمية البسكوت … بس لا تخلينه طبقه متينه … والقالب لازم اللي ينفتح من تحت …
هاتي طابي وذوبي الزبده … وصبيها على البسكوت وتمي اخلطيه ولاتحطين وايد زبده عشان مايطلع البسكوت يابس ماينأكل … شفتي كيف الرمل يوم يكون خرسان بشوية ماي .. جي بتحسين صار شكله ^_^
عقب هوسي بايديج على البسكوت وخليه يتساوى في قاعده القالب … صبي الخليط فوقه ….
وهاتي ألمونيوم وغطي القالب من تحت … عشان انحطه في حمام ماي ..
هاتي صنية فرن وصبي فيها ماي دافي حطي القالب فيها خلي الماي يوصل لنص القالب ..
ودخليها في الفرن … تقريبا 30 دقيقة أو لين ما اتحسين انه الخلطه عندج اتماسكت .. يوم ادقينها اتحسينها متماسكة شرات الكراميل … ^_^
ويوم تخلص حطيها في الثلاجة لمدة 5 ساعات … كل ما طوّلت كل ما كانت أحلى ..
وحق الويه أنا استخدم الكرز الطازج أحطة في الخلاط …
وطبعا اقدم الكيكة على طووول … لأنه خلطة الكرز يوم اطول في الثلاجة يميل لونها للأسود ..
يكون شكلها بشع على الكيكه ^_^ هههه .. فعشان جي اسوي الخلطه قبل ما اقدم الكيكه للضيوف
بعشر دقايق .. بس شووو طعمهاا …
رووووووووووووووعه ..
^_^
موفقة الغلا ^_*
ممم في شي من المقادير بس مافهمته .. شو يعني 1 سور كريم؟؟؟
اذكر فمطعم تشيليز كانو حاطين خلطة حمرا وفيها بذور صغيرة تشبه بذور الفراولة وكان مذاقه حلو مافيه حموضة
ويوم اخلط الكرز بالخلاط بيطلع لي عصير كرز.. مابكون قوامه شوي ثقيل عشان يكون نفس الباي ؟
يعني الطبقه إللي فوق تكون فيمتو او نسكافيه..
المهم.. هو طريقته طبقات نفس التشيز كيك..
الطبقه الاولى زبده و دايجستف
الطبقه الثانيه..كانت بالنسبه لي صدمه
علبه روب+ 8 فناجين نيدو بودره + 3 فناجين سكر
تحطينها في فرن حار بس من فوق
بس صدقيني.. كان السويت نفس تشيز كيك الفرن بمقادير بسيطه و طبقه مب سميكه وايد
حتي سميته سويت الصدمه