تين
شخباركم خواتي
انا اليوم سرت عند دكتوره جلدية وخبرتني انه يبالي رواكتين لحب الشباب .. لانه فيني حبوب ف الجبهه والذقن متركزين
وعرسي بيكون ان شاء الله شهر 12 بدايته .. وخبرتني لازم اخذ حبوب منع الحمل فترة اول 3 اشهر لين ماكمل العلاج واوقف عقب
(يعني اول 3 شهور من زواجي ضروري منع الحمل عسب مايكون في اخطار لا سمح الله )
وخبرتني الدكتوره لازم بعد انتهاء مدة العلاج (شهر كامل ما احمل) وعقب عادي احمل
بس فالنت كاتبين لازم (6 شهور) بعد العلاج !! خفت بصراحه
ساعدوني بليز
فقلت استفيد منكم المجربات بلييز الله يخليكم لا تطننشوني عرسي بيي وويهي كارهتنه 
في خطوره لو استخدمت موانع حمل لمدة 3 او 4 شهور بياثر عليه عقب والا عادي
من اوقف الحبوب بحمل ان شاء الله ؟
انا كنت استخدمه ،،،لا تحاتين هو علميا توقفينه شهر و بعدين ممكن تفكرين بالحمل ،،،اذا مب قادره تتحملين ويهج و جربتي طرق ثانيه للعلاج و ما نفع. ابدي في الدواء. عندج لين العرس ٦ شهور ممكن خلالهن يتحسن ويهج و توقفين قبل و ممكن بس لين ٦ شهور
اذا وقفتي قبل العرس بشهر او شهرين اطمني. و اذا ما وقفتي حاولي ما تحملين
الدواء مفعوله حلو بس قوي. يعني اول شهر او شهرين ببيطلع لج حبوب زياده بس بعدين بيخفف الحبوب و الاثار و بتتغير وايد بشرتج. بس يسبب جفاف وايد و خاصه للشفايف و الويه و الشعر فاشربي ماي وايد و استعملي مرطب
انا استخدمته واييييييييييد حلوو يصفي الويه وينووووووووور و يشيل الحبووب و يخفف من البقع شوي شوي
انتي بسرعه استخدميه الحين ع اساس لين شهر 12 توقفين و عقب العلاج ب 6 شهور لا تحملين بتكونين توج عروس و فرش شو تبغين تحملين من أول شهر
تفاهمي ويا دكتورة نسائية عسب موضوع حبوب منع الحمل و جي لمدة 6 شهور وهي ممكن تنصحج بأشياء ثانية بس روحي لدكتورة نسائية