اللولب اللي مركبتنه تدخل عندي استفسار ^_^ تغذية صحية

آبــــــــ

الغاليه اتوكلي ع الله وركبي
اولا مايعور بس الحديده اللي يفتحون فيها الرحم تعور شوي
ولازم دكتورتج تحددلج نوع اللولب
وخلاص اللولب يمنع كفايه مايحتاج مانع معاه
والدكتوره الشاطره تحط اللولب وتقصر الخيط بطريقه مايحس فيها الزوج وقت الجماع

اهلين اختي انا مركبه اللولب العادي وهو اسن من الهرموني وخليته 3سنوات وبعدين بطلته وحملت ورجعت ركبته مره ثانيه والحمدلله زين اعراضه انه ايبلج صداع خفيف ولوعه طبعا قبل الدوره واتكون الدوره اول الايام غزيره شوي بس صراحه خلاص جسمي اتعودعليه واتركبه الدكتوره لج خامس ايام الدوره وعادي مااتحسين بشي اذا كانت الدكتوره شاطره بس مش كل الاجسام تتقبله اختي ركبته وماقبله جسمها وموفقه اختي

سمحيلي اختي اسود منو قالج انه يمنع الحمل ميه بالميه لا حبيبتيوايد حريم حملو فوقه بس الي تراجع وتكشف عليه كل 3شهور ممكن تضمن نفسا انا اراجع الحمدلله كل فتره

مانصحتني دكتورتي فيه لما طلبته منها

اللي عرفته انه شي نوعين من اللولب العادي والهرموني .. فشو تنصحوني؟
حبيبتي انا انصحج بالعادي لاني ركبت العادي والحمد لله مرتاحة منه و الهرموني واااااااااايد يخربط جسمج من هرمونات و متن و بلاوي ثانية

هل اللولب يعور يوم يركبونه وكيف طريقه تركيبه؟
لا حبيبتي بس شوي يوم يدخلون الحديدة اللي يركبون اللولب فيها

هل ينحس فيه اثناء الجماع؟ يعني يسبب الم ولا اي شي من هالقبيل؟
لا والله موووووووول ماتحسين فيه لا انتي ولا ريلج
حتى انا يوم سرت ركبت اللولب و ماقلت لريلي و قلت في خاطري بشوف اذا بيحس فيه ولا لا
مووووووووووول ماحس و عقب كم مرة سالته قال لي لا مايحس بشي

هل تعتمدون كل الاعتماد على اللولب ولا تمنعون بعد بطريقه ثانيه مثل المنع الطبيعي او الواقي لانه اللولب له نسبة حمل اظن 2%؟
لا حبيبتي مافي اي مانع ثاني مع اللولب

اللي عندها اي معلومه ممكن تفيدنه بعد ^_^
بس حبيبتي دايما شيكي عليه عشاان تضمنين ان يفيدج و ماتحملين عليه