الله ينولها ل فخاطرها اللي بتحدر وتفيد اختها الصغيره لسلامتك

حريم دخيلكن فيدنّي انا ماعندي حد يفيدني وساكنة بروحي وخبرتيه فهالمواضيع بس من النت

ياليت القى رد واافي لاجابات اسئلتيه

انا الحمدلله ولا قوة الا بالله فالشهر الثامن
والمفروض تكون عندي خبرة فانواع الولادات عشان لا سمح الله استوى شي ما يلعبون فيّه وياخذون راحتهم عليه وانا خبر خير

فاللي عرفته من الولادة انه فكل الحالات يشقّولها .. وان گلٰ وحدة تربي يخيطولها اكيد لان اللي ظهر منها آدمي مب تفاحه ^^

انزين في حريم يمشن ع جدول نفاس من ناحية تنظيف المنطقه وربط الكرش والاهتمام بالجسم انه يرد لونه نفس قبل ..

سؤالي :
* شو اللي ينخاط بالضبط وجم تاخذ الخياطة لين تلتئم تقريبا واطّيح الخيوط .. وفي حريم يجيكن اذا الخياطة اوكي والا لا … كيف اعرف ؟؟!!! ووين اجيّك ؟؟!

اختي ع حسب وين بتربين

لان الحكومي لو الياهل صغير و مايحتاج يشقون
مايشقون ف يصير بس خياطه خارجيه

اما الخاص
كل الحالات يشقون

و تكون الخياطه نوعين بالعموم
خياطه داخل المهبل.و تكون تجميليه يعني مافي خيوط تحسين بها
و خياطه برع فتحت المهبل ل قريب فتحت الشرج تقريباً تكون غرز واضحه و تقدرين تلمسينها

و عن التجييك
انا عن نفسي طاحت الخياطه بعد 15 يوم ولكن في عقدتين طاحن من كملت 20 يوم

و ماجيكت كمت اخاف بس اتحسس بصبعي وكانت الخياطه خط سيده مب متعرج

* من ناحية التنظيف .. شو فوايد منقوع المرة وقشر الرمان والحلبه وهالامور ؟! وفي حد يوصي بالجلوس في ماي فاتر ويا ملح وفي حد يقول لا هالشي يوسّع اكثر ويصعّب الالتئام ؟!
فاللي تسوي منقوع المرة وغيره .. ها ينشرب والا يتغسلون فيه وكيف يتغسلون به .. بالتودين والا بالمسح والا احطه ففوطه صحيه والبسها ؟؟ ومن اسباب التهابات الخياطة هيه عدم جفاف المنطقه وفي حد ينصح بعد التغسيل انه يجفف المنطقه بسشوار دافي ؟؟؟؟!!! قريته فاحد الردود

اختي ايام قبل كانت الخيوط تختلف
ف يتودنون بالملح والماي

الحين مايحتاي

انا عن نفسي كنت احط كريم بيتادين و ميبو
كل دخله حمام احط واحد من هالاثنين
والحمدالله ما التهبت الخياطه ولا شي و كنت اتغسل بغسول نسائي مره فاليوم
واتأكد ان المنطقه ناشفه بعد الحمام

و عن المره انا قالولي استخدمها عشان تطهر المنطقه
يعني شغلها نفس شغل الغسول النسائي
و اصلاً مابتقدرين تتربعين وانتي فيج خياطه
انا لين خلصت الاربعين وانا ما اقدر اتربع ولين الحين ماقدر

* في حد يقول منقوع المرة مفيد للشمم ؟ انزين كيف استخدامه وشو هو الشمم اصلا ؟! ومعلوماتي عن المرة انه يشد انا كنت احطه ع ويهي وبالفعل يشد البشرة وايد .. انزين مايضر ع الخيوط ؟

الشمم قصدهم تشمين ريحته
مادري بصراحه بس قلت لج المره تتغسلين فيها كأنها مطهر
وانصحج خلج ع البيتادين والميبو للخياطه عن لا تصير لج التهابات

* في ناس تسوي نبتة الارطى او الدباغ تغليها وتصفيها وتتغسل بها طول الاربعين ..

* ومتى ابدا ربط بطني ان شالله ؟! وشو الاوقات اللي افج فيها المشد ؟!

انا ربطت بطني بعد ما حسيت ان الخياطه راح المها
يعني بعد 10 ايام
و كنت ما اطول وايد لاني اتبهدل يوم ارضع
و ما استمريت عليه بصراحه

لكن مع الرضاعه كرشتي بقى منها 20-30٪ فقط يعني شي بسيط ويصير بطني لازق بظهري

* يقولون في مشروبات للنفساء وقريت عنها كلها من اعشاب وينسون وكمون وبابونج وغيره .. سؤالي هل تضر الرضيع ؟!

لا ماتضر الرضيع
و عن نفسي اكتفيت بشرب الحليب و جاي زعتر

* وفي بخور اونه تتبخر فيه النفساء واول مرة اسمع بهالمعلومة .. وها اللي قريته ،،

{{ بالنسبة للبخور يكون عند الضرورة اذا شعرت بغازات وهواء ومغص ويفضل قبل النوم وبعد اسبوعين من الولادة لكي لا يأثر على الخياطة .
1.الكبو م.ص} قشر بصل+قشر ثوم +كمون+ مرة+ حبة البركه+خواجوا+رشاد { .
2.العفص يؤخذ كمية قليلة منه وتتبخر به المرأة فهو يشد المهبل ويضيقه ويطهره .
3.خشب السدر ممتاز جداً لطرد الهواء وتصغير الكرش }}

صحيح ها الكلام وفي حد مجرب ؟!؟

احسه كلام قوم يدتي وامها

اختي لاتجازفين
انا مول ماسويت شي
والحمدالله رجعت لريلي جني عروس
بس كنت ما اكل شي بارد

و كنت 24 ساعه اشرب ماي

* منوه جربت تشرب منقوع المرة وليش الكل يوصي باضافة الفلفل الاسود للشرب والاكل .. ومنوه اللي نصحوها بانها تبتعد عن المكسرات والرز والبقوليات والموز والبطيخ والمعجنات والباميه والبرتقال والليمون والمانجا ؟؟ على اساس انها لزجه وماتنظف المنطقه وفي منها يقللن ادرار الحليب ؟؟!

حبيبتي
انا اكلي كله خرابيط
بس كنت احرص اني اخذ بروتين من الصيدليه اسمه ليدي ميل
و اشربه لانه نفس الحليب
و اكل فستق
و اكل طحينيه
والحمدالله فيني حليب
ماكنت احرم عمري من الكلل بس كنت اخفف عشان ينزل وزني

* آآخر سؤال ::

انا بشرتي تغيرت الحمدلله مش انه فويهي بس الباط والمنطقه والركب ورقبتي اغمجوا واايد لو افرك فيهن يدار سوا علامه حتى ريولي بطولهن سمّرن وظهرت مناطق سمرا وااايد فخصري وبطني .. واهم شي صدري فيه هاالات مب سمرة الا سودة وكله صااار اسمرررر وكان وايد ابيض ماتوقعت جيه وماصار فيه جذه الا من دشيت الخامس .. هذا يرد والا يتم جيه ؟!؟ وحجمه يرد نفس قبل والا يتم جيه ؟!؟

انا ما صار لي جذي
بس اغلبه يروح بروحه بعد الولاده ومع الاهتمام
يعني سوي حمام مغربي بعد ما تطيح الخيوط و بتحسين ان 50٪ من الحلط راح هههههه

انا بعد الولاده بطني صار اسمر
و سويت حمام مغربي
صج استانست

والحين بسوي بعد مال 3 مرات

وفي جدول خلطات تسويها المنفس بس ما يخلص والله كلها اقنعه وردي سبحي وردي حطي وشلي ونطّي .. والصحابيات رضوان الله عليهن من قرايتي كانن يستخدمن الورس والسدر ..

ف بغيت اعرف في تاجرة هنيه فالمنتدى تبيع وصفات واقنعه وكله طبيعي من كلامها منوه جربها بامانه وبدون ترويج لان الطريقة سهل استخدامها لما تكون عبارة عن صابون وتحطين كريم وبس بدون ما تتريين بالساعات .. ماعرف اذا يصير اذكر اسمها اخاف ينحذف موضوعي وتعبت وانا اكتب خخخ

ههههههههه

انتي نفسي
ماخليت شي ما سويت و دورت و اشتريت

اخر شي ما استخدمتهم حسسيت ماعندي وقت
يادوب ادخل اسبح عالسريع

*****

دخيلكن حريم فيدنّي واعتبرنيه اختكن الصغنونة ولكن دعوة صادقه بظهر الغيب ماعندي حد غير انيه اكتب فالمنتدى