شخباركن خواتي ….~
انا عرسي بعد 3 اشهر
وللحين مااسويت شي لاني ماعرف ولاشي
وعيووبي كثيره الحمدالله ع كل حال
لكن اخاف زوجي ماايتقبل هالعيوووب خاصه انها تفشل
انا عندي بقع بنيه ع جسمي اثاار جروووح وحسااسيه ….
جسمي مب موحد ابدااآ
شعري باهت ومتقصف وقصير وزوجي يحب الشعر الطويل اهئ وفيني شعر ابيض رغم اني صغيره وماتعديت 25 سنه
عيووني هالات سوودا
وعندي جفااف بجسمي
وشفايفي تلووع بالجبد محرووقه ابيها تكون ورديه وحلووه
ايديني ,,كف ايدي مب ناعم اللي يشووفها يقوول ايدين عيوووز مب حلووه مااشي اضاافر كله تتكسر ومب شي اصاابع ايديني مب ملياانه من النص جي فيها مثل التجاعيد ….
رغم اني ماادش المطبخ ولا اشتغل ولاشي ماعرف ليش جي ايديني …~
وعندي المنطقه الحسااسه مش ولابد ….سمرا وجي ..
فووق ان جسمي ماعرف كيف يااي ردوووف كبيره وهاللي يضاايقني
وركب ايديني واريولي سوووداا
وبشرت ويهي بااهته
يالله اقوولكم عيووب الدنيا
والسموحه لان كلامي مب منسق
شوو اسوي اطالع يمين يسار ابا الاقي شي عدل مالقيت
ساعدووني بناااات دخيلكم وانا بدعيلكم من كل قلبي ان شااء الله
وجزاكم الله كل خير وجعله في ميزان حسناتكم يوم القياامه
والله يرزكم بالخير ياارب[
والله بصيييييييييييح كل مااذكر عرسي انه جررييب/B]
بالنسبه لجسمج وشعرج وكل اللي ذكرتيه.. تقدرين تهتمين بنفسج وتغيرين بعض الاشياء
سوي حمام مغربي بأستمرار يخوز السواد وينعم الجسم ويشل الخلايا الميته ( سويه بالبيت ومن فتره لفتره سويه بالصالون )
سوي حمام زيت لشعرج دايما وحطي زيوت ( لا تقولين ما احب عشان الريحه وغيره ) ع الاقل هالفتره عشان يعطي شعرج النعومه واللمعان وابتعدي عن السشوار ع الاقل هالفتره عشان شعرج يرتاح
بالنسبه لإيدج وريولج واظافرج سوي بدكير ومناكير عن جد روووووووعه يسونه بالصالونات وينعم ويريح وايد… واشتري كريمات ترطيب خاصه لليد والريول واستمري عليهم
بالنسبه لبشرة ويهج عندج منتجات وايد اختاري احسنهم واللي يناسب بشرتج عشان الترطيب والتفتيح وعلامات تقدم السن وغيره.. ( انا حبيت منتجات بودنس وايد ) خذي لج المجموعه كامله واستمري عليها
وعندج بعض الفواكه والخضروات المفيده للبشره..
اذا عندج اي استفسار و سؤال لا يردج الا كيبوردج.. انا بالخدمه
جزآآآج الله ألف خير وجعله في ميزان حسناتج يووم القياامه
مااقصرتي والله فرحتيني بكلامج وردج الله يسعد قلبج وينور لج دربج
وكل اللي ذكرتيه ان شااء الله بسووويه وسلمتي والله
مثل ماا قالت الاخت…الريال اذا يحبج مايجوف عيوبج…وتحملي انج تذكرين عيوبج جدامه في يوم من الايام…
تقدرين انج تسوين خلطات طبيعيه وكل شي بيستوي اوكي ان شالله…والشعر مع الوقت يطول 
ومرات ترا الشخصيه تطغى على الشكل 
وايد رياييل يحبون الحريم من شخصياتهم واسلوبهم
والله يوفقج ويسعدج
والحمدالله بعده عندج وقت..سوي جدول وبدي من احين في الاهتمام..مره الشعر ومره الجسم..والايدين حتى لاتنسينهن
كاليوم شي…