خواتي فيدوني بالي عندكم من خبره
بنتي ان شاء الله على شهر 9 الياي بيكون عمرها 3 سنوات و3 شهور ابا احطها في الكيجي …
شو رايكم احطها والا بعدها صغيره ؟؟
واذا تقترحون علي اسجلها وين اسجلها ؟؟؟
انا حاطه الظفرة اختياري الاول وبعد الاتحاد الوطنية … بس اكتشفت انه الاتحاد الوطنية الكيجي عندهم يبدا من 4 سنوات …
شرايكم اسجلها والا اخليها لين السنة الياية واحطها في الاتحاد ؟؟؟؟
شو تشوفون احسن المدارس للكيجي في العين ؟؟
محتاااااااااااااااااااااااااااااارة هاي اول بنت
دخليها عادي و توكلي على الله, صج انها صغير و راح تتعبين وياها بالتدريس نفس ما انا تعبانه مع ولدي الصغير الحين, لكن اسم الله عليهم احسن لهم المدرسه يختلطون مع اليهال و يستفيدون
الظفره يقولون عنها ممتازه ما جربتها.
اعيالي الله يحفظهم بالشويفات فرع الشارقة و ياخذون من عمر 3 سنوات, و ماشاءالله المدرسه اكثر من ممتازه و الله يا اختي.
عندكم انتوا بعد الشويفات روحيها و شوفي و ان شاءالله ترتاحين لمدرسه من الثنتين.
و هذا ملخص لأغلب مدارس العين و ان شاءالله يفيدج
1- الشويفات الدولية
ممتازه و صار فيها الحين تحفيظ سوره من القرآن كل اسبوع
و هذا موقعها:
https://www.iscalain-sabis.net:88/alain/main.jsp
2- ليوا
11 اصوات, و قيل انه يوم السبت عندهم لحفظ القرآن الكريم و أحكام التجويد و التلاوه. مدرسه قويه.
تووووب
من ناحية المنهج ومن ناحية الملاحظه والرقابه على العيال وسلوكياتهم
ومن ناحية ثانيه التواصل مع الاهل يخبرونج كل شي اول باول
واسعارهم اهون من مدرسة الشويفات والاتحاد
هذا رأيي وللعلم عيالنا فيها من 7 سنين الحين والحمدلله
واذكر واحد من عيالنا كسلان بالمره وما نجحوه من صف اول واصروا الا نعيد له لمصلحته
وعدنا له غصب عنا بس الحمدلله ما ندمنا وايد مستواه الحين اوكيه
اخت قالت: مدرسة الليو من المدارس الجيده في العين بس عيبها الوحيد تغيير المعلمين في نصف الدراسة
على السنه الدراسية 2024-2009 بيتغير المنهج الي امريكي
احسن المراحل عندهم هي الكي جي مهتمين وايد بهذي المراحلة ومسوينا مبنى خاص منفصل
3- الظفرة
قالوا انها من المدارس القويه و ممتازه وأشجعج على تسجيل ولدج فيها والمعلمات شاطرات …….إنشدو عن مس هناء ومس هند يهتمن بالطفل
حصلت5 اصوات
ام ضد المدرسه قالت عنها: ابعدن عن مدرسه الظفره الخاصه
فتجربتى معها مريره
الاهمال فيها مستشرى وكان نتيجته اصابه ابنتى الصغيره فى KG1مرتين فى عينيها بركلات من الاطفال الاخرين نتيجه ضعف المشرفات
كما ذكرت ايضا, 1-سوء الاداراه
2-الاهمال
3-ضعف العمليه التعليميه
4-ضعف مستوى الكوادر
5-عدم الاهتمام بالكفاءه المنشوده من المتعاملين مع الاطفال فى السن الصغير(الروضه)
6- عدم اصغاء الاداره لى شكوى او مشكله
7-التعالى غير المبرر فى التعامل
8-ضعف التجهيزات والابنيه والملاعب
4- مدرسة النشء الصالح
منهج امريكي + منهج الوزاره و يهتمون بالدين و العربي و فيه عندهم حصص لتحفيظ القرآن و الحديث.
وحده من الخوات قالت, ماشاء الله ولدي فيها روضه ثانيه وايد اوكيه بالانجليزي و العربي و الدين قولوا ما شاء الله الحين بيخلص جزء عم
لها 3 أصوات .
5- الانجلش سبيكنج سكول
صوت واحد فقط, و قيل انها نفس الشويفات و أحسن لإنها محترمه؟؟؟؟ قيل العربي و الدين اشويه ضعيف.
6- مدرسة محمد بن خالد للأجيال
صوتين مع مدح المدرسه و قالوا انها قويه و ممتازه.
كما قيل؛ انا دخلتت ولديه فديته كمل كم سنه ع ندهم وعقب طلعته مش عشان شي لا والله بس ابا المدرسه تكون قريبه من البيت حولته مدرسه خاصه اقرب
بس والله عندهم اهتمام في امور الدين وايد فوق المستوي المممتاز يعنى تخيلي الطفل هو في الروضه حافظ الايات والاحاديث ولادعيه ماشااءا لله والحمد الله الحين ماش ااء لله عليه دائم اقول التوفيق من الله
وهذا المدرسه لي علمت وزرعت الدين في قلوب عيالنا بعكس ما نستهم الاشياء الاساسه انصحج اذا تبين تدرسين فيها ولدج فيها الخير هالمدرسه عن تجربه … والله يحفظ ولدج ويخليه لج
7- المدرسة العالمية
صوتين معاها
8- مدرسة الامارات الوطنية
المبنى تراه يديد ونظيف وروعه وبالنسبة للريوق والغدا تراه عندهم .. يعني عيالج بييون متغدين والحمدلله. بالنسبة للتدريس عندهم كمبيوتر والانجليزي منهج بريطاني .. علوم ورياضيات منهج سنغافوري ( والله العظيم نفس منهج الحكومه بس اللهم بالانجليزي لا اكثرولا اقل ) .. وعربي وتربية اسلاميه وتربيه وطنيه نفس المنهاج الحكومي ……..طبعا عندهم اختلاط لين الصف الرابع الابتدائي .. ترى فيه خصم للجيش والشرطه 50% . شغل لليهال الي في KG1 الصراحه روعه والهدف الاساسي عندهم مش الحفظ ولكن الهدف الفهم والتعبير وتشغيل المخ يعني الياهل بيفكر وبيخترع مش لازم يكوون صح بس لازم يطلع منه شي على قد افكاره …….عندهم سباحه وفن وموسيقى ولاحظة في الصفووف فيه ملابس للمسرحيات.13 صوت مع المدرسه. و صوتين فقط ضدها.
واحد على اساس انه العربي ضعيف عندهم و العيال جذي راح يحتاجون مدرس او مدرسه لهم.
و الصوت الثاني قال؛ حاطع بنتي في مدرسة الامارات الوطنيه العين والصراحه ما شوووف فيها شي زياده البنت ما تعلمة منهم شي وايد لان المرسه ولله الحمد كل يووم اجازه والاداره صح جديده وشكلها من اولها لعب ؟؟؟ واحس ان ندمانه اني حطيتها فيها لان بنتي تعرف تتكلم انجليزي والحين اشووفها بدات اتخوورها وهذا دليل عدم الاهتمام ىمن المدرسه….
وهذا موقعهم ..
www.ens.sch.ae
9- مدرسة الاتحاد الوطنية
وأختاروها السنة من أحسن المدارس عن طريق مجلس التعليم
و هذا موقعهم
https://alittihadalain.com/ar/index.htm
10- حضانة الكواكب ( بلانيت)
تابعة لمنتسوري و هي ممتازه جدا يتعلم فيها الطفل القراءة والكتابه. صوت واحد فقط
11- المدرسة الدولية
صوت معاها و صوت ضدها, يعني احتاروا يا جماعه.
12- مدرسة المدار
في ناس يمدحونها وفي ناس ذموها لى لان مشكلتهم انها مدرسه تبشيريه نوعا ما كما قيل مو كلامي انا. ام اخرى معاها و قالت انها احسن عن مدرسة الامارات الوطنية. مدرسة المدار احسن
لانها تهتم اكثر بطفل
بس المش حلو عندهم انج ما تقبلين المعلمات كل شي انت تبنه تتكلمين مع سرفايزر
13- مدرسة الصنوبر
صوت واحد، بنتي من 3 سنين في مدرسة الصنوبر في العين وبصراحة المدرسه من اقدم المدارس في العين ولها كادر من المدرسين ولا أروع من الاخلاق والتفاهم مع اولياء الامور وايضا الاتصالات الدائمه معي لحل أي مشكله أو مناقشة
14- مدرسة المستقبل
روعه واللي حلو فيها انها تحتوي على كل الجنسيات وهذا اللي يخلي الطالب يمتلك اكثر من لغة
ام ثانية قالت: انا حاطه عيالي في المدرسة من اول ما افتتحة ما عليها كلام منهجهاوايد مكثف في الانكليزي
وبعد يهتموون باللغه العربيه
ولي يعيبني فيها بعد اهتمام المدرسات وايد حلو للعيال وانها بعد مافيها وايد زحمه
واسعارها 10000 للكيجي ون
يشمل الكتب والزي بس من غير الباص
صوتين للمدرسة
15- مدرسة الأندلس الخاصه
صوت معاها و لم يذكر السبب.
16- مدرسة الثقه النموذجية
صوت قال: وماشاء الله اداره روعة
وايضا معلماتها قديرات وتمتاز المدرسة بفعاليات كونها الحين ثاني سنه لها
لكن يتابعون مستوى الطالبة عن طريق الاتصال باهلها
هاي كانت اسمها العين النموذجية و تاسست من صف اول و تمو كل سنة يزيدون صف يعني اول شي كان اول بعدين اول و ثاني و جي و بعدين سوو عدالها مدرسة ثانية اسمها المعالي و حاليا المعالي من صف سادس لين صف تاسع و الثقة من اول لين خامس و و اللالئ انتقلو الجيمي وهي بعد من اول لين خامس
صوتين مع المدرسة
آرائ اخرى قالت: المدرسه عقب مريم الشامسي ماتسر وحتى الطاقم التدريسي أيام مريم كان غير ماشالله مريم دينمو ونشيطه بس من سارت من المدرسه ماصار للآلئ أسم أول كل أسبوع فعاليه تعليميه والمدرسه والطالبات خذن أكثر من شهاده وتقدير في حفظ القرآن والحديث وجايزة الشيخ حمدان ………هذا اللي أعرفه
و بعد قالوا: والله يا ختيه انا بنتي في اللالى وكانت بنتي من المتفوقات درست اول وثاني والحين بنتي في ثالث بصراااحه من بعد مريم الشامسي المدرسه دمار يعني لاانشطه ولافعاليات ولا شي والله انا حالفه انقل بنتي السنه اليايه لثقه لان حرام السنه هذي بنتي درسوها اي كلام حتى والله المدرسات يتحرطمن على المديره لانها ماب مثل مريم والله كانت تعرف الكبيره والصغيره في المدرسه وكانت تسلم على البنات وتسائل الامهات عن رايهن او عن اقتراحاتهن في المدرسه والله والله بنتي غمضتني يوم زارتهم المديره مريم المرسه قالت والله يا امي كل البنات يقوللها ادمتى بترجعيلنا وبنتي يتني فرحانه ماما سلمت على مديرتنا انا وماااااايد احبها بس هذي المديره الحاليه لاتهش ولاتنش حليلها لان ما اعتقد تقدر توصل لمستوى او ادارة مريم
( شي يحير, ناس قالوا اسمها كان اللآلي, و ناس قالوا العين النموذجيه. ما اعرف وين الصح. اللي عندها خبره تفيدنا علشان نصحح المعومات.
17- حضانة كيدز ار اس
ماشاء الله عليهم وعندهم مهارات الكج اول وثاني ومعلماتهم خبرة وطيبات, تحت اشراف الاستاذة جميله الحمادي لها خبره وااايد ف المدارس الحكوميه والنموذجيه يعني تربويه من الدرجه الاولي …و الاخت مريم المحيربي نائبة مديرة الحضانه قمه في التعامل و الذوق والكل يمدحها ماشاءالله عليها ثقه .. والصراحه وااايد يهتمون ف العيال .. من ناحيه النظافه ماعليهم كلااااام, ووايد يسووون انشطه حق الطلاب ودايما بعد عندهم رحلات ترفييهه وتعليمية وبالنسبه للدراسه يعلموون الحروف والارقام باللغتييين ويعلموون الادعيه الي تنقال مثلا قبل الطعام او بعد الطعااام الصراااحه انا بنتي وايد استفادت من هالحضانه وانا انصح كل ام تودي بنتها او ولدها عندهم. رقمهم : 7811456
5 أصوات مع الحضانه.
18- حاضنة ستبنج استون
حضانه اجنبية بس والله انها من احسن وانظف الحضانات في العين بس للاسف الوقت عندهم من 7:45 لين 1.00 وشوي غاليه بس صدقيني تستاهل بنتي طلعة من هذي الحضانه ترمس انجليزي معندهم بعد يووم خاص للسباحه ويطلعوون الياهل مره راحة حديقة الحيوان ومره المطار ومره بعد طبخوو بيتزا ومن غير نشاطات ثانيه حلوووه واحتفالات بالمناسبات…. رووحي شووفي الحضانه يمكن تعجبج كلمي
المديره انيتا وهذا رقمها 037812495
يزاج الله خير
لا تبخلون علي بآرائكم
انا انصحج انج تروحين وتشوفين كل مدرسة انتي تبينها
انا عيالي حاطتنهم في المدار
والحلو فيها غير الي قالته الاخت طيبة ان ولدج تضمنين انه محد يقدر يشله غيرج انتي والحين مشددين على الاطفال بالاكل يعني ما يخلونهم يطلعون للحديقة الا ومخلصين اكل
حطي بنتج فيها و انتي مغمضة !!!! عن تجربتي في بناتي ^_^