الكروكمبوش او ملك البوفيهات ~
مقادير عجينه الشو:
كاس ماء
اصبع الا ربع زبده
كاس دقيق منخول
ملعقه صغيرة سكر
ذره ملح
ملعقه صغيرة فانيلا سايله
4 الى 5 حبات بيض<<<بس الارجح 4
نحط المويه والزبده على النار لين تغلي+السكر والملح
لازم نتأكد من ذوبان كل ابو الزبده
يكون الدقيق قريب مننا
ولازم معاه ملعقه خشب
اللي ماعنده ملعقه خشب يطلع برا
نقوم بكل قوه وبدفعه وحده تكبين الدقيق على المويه والزبده المغليه
يعني لاتحطينه دفعات
انتبهي
وحركي بالملعقه الخشبيه مع كل الجهات
يعني حاولي تجمعين العجينه
ولا تنسين في هذي الخطوه توطين النار
حركي
لين تصير لك عجينه بهذا الشكل
طريه وتتجمع معك
دقيقتين او اقل
وطفي النار
وحطيها بالمزيونه اللي تحت
ممكن تستغنين عن العجانه وتستخدمين في هذي الخطوه ملعقه الخشب ويدينك جعل النار ماتمسها
لو بالعجانه تختارين مضرب التقليب
قلبي العجينه لمده دقيقه بس عشان تبرد شوي
ليه
لانو ياحلوين لو حطينا البيض والعجينه حاره
يمكن البيض عنك يستوي والعجينه تخرب
بيضه بيضه الله يخليكم
لما توصلين للبيضه الثالثه ابدي ركزي بالعجينه شوي<<<رياضيات
لو احتاجت بيضه رابعه حطي وراقبي العجينه<< بس عمومآ 4 كويس على المقدار
صبي الفانيلا السايله عليها
لازم يكون عندك عجينه مطاطيه
واختبريها
كيف؟؟
طلوا تحت
تجيبين ملعقه وتشوفين
لو والله طلعت مطاطيه مثل اللي بالصورة ممتاز
ماعاد نحتاج بيض
لكن لو شلتيها بالملعقه ولما كبيتيها طاحت كتله وحده هنا تزيدين بيض
نختار هذا القمع عشان نشكل العجينه
تراه صغنوني بس بالصورة طالع كبير
اختاري صينيه قصيره الحافه
وحطي عليها ورق زبده
وشكلي العجينه
مع ترك مسافات بين كل كروكمبوشه
يتببببببببببببببببببببع<<لاحد ترد
.
.
دخليها الفرن
طبعآ الفرن يكون حاااااار جدآ وعلى درجه حرارة 200
وحطي الصينيه تبعك
بعد تقريبآ ثلث ساعه
اخفضي الحرارة لـ 170
وولعي من فوق على الواطي
وخليها ليين تنتفخ ويصير لونها ذهبي
طبعآ ليه خلينا الحرارة بالبدايه عاليه جدآ
عشان تساعدنا على طرد الهواء المحتبس داخلها
ملحوظه: الفرن ولعي عليه من اول ماتبدين تعملي عجينه الشو
ملحوظه: هذي العجينه نفسها عجينه الاكلير
مقادير الكاسترد او كريم باتسيير :
جيبي قدر وصبي فيه كاس وربع حليب
ونص كاس سكر او ثلاث ارباع الكاس
وحطيها على النار لين تغلي ويذوب السكر
قومي جيبي باديه ثانيه وحطي فيها
كاس حليب
واخلطيهم بالسلك
3 ملاعق كبيره نشاء 3 ملاعق كبيره دقيق 2 بيضه 2 صفار بيض
لما يغلي الحليب صبي منه شوي على اللي في الباديه
وحركيه
بعدين رجعيه كله على النار واستمري بالتحريك
لين يغلض
لما تنتهي وتصير ممتازة
جيبي ملعقه صغيرة فانيلا سايله وحطيها عليه
وملعقتين كبيرة زبدة
وحركيها
وخليها تبرد
وعشان ماتتكون لك طبقه قشده سميكه على الكاسترد
خذي قطعه زبده جامده وادهني فيها الوجه
هذا شكل الكروكمبوش لما يطلع من الفرن ترى بيصير قاسي ومن جوا فاضي
يعني بس قشره
اعملي فيه فتحه
اما تكون تحت
ممكن تحطين الكاسترد في الابرة وتحشين
بس هالطريقه ممله وبطيئه
كون ان الابره ماتاخذ كميه كبيره
يتبببببببببع..~
waiting for the rest
كوب ونص سكر
ربع كوب ماء
حطيها في مقلاه ولعي عليها نار قويه لين تذوب
خليه على نار هاديه يعني لاتطفين النار
وجيبي الكروكمبوش المحشي وحطيه على يمين المقلاه
وجيبي صحن التقديم وحطيه على اليسار
يعني بهالشكل:
كروكمبوش…الكراميل…صحن التقديم
وابدي وبكل حرص عشان مايلسعك
غطسي حبه الكركمبوش في الكراميل<<بس القاع مو كلها
يعني شغل فنيه قص ولزق
وصفيه في صحن التقديم
الشكل لازم يصير عندك هرمي<<بحبك يامصر
بيبقى عندك الكراميل
غطسي فيه الشوكه وشيليها وارفعيها فوق
بهذا الشكل
ليه؟؟
عشان تعطينا خيوط السكر الذهبيه
اللي لازم نزين فيها الكروكمبوش
ارفعي الشوكه بسرعه
ونزلي الخيوط على الكروكمبوش شوي شوي
وهذا الشكل النهائي
وهنا زووم على خيوط السكر
شكلها مثل الشبكه
مرررررررررررة حلو
وهذي كروكمبوشه صعنونه
محشيه كاسترد
وعليكم بألف عافيه
معلومه
على كلام منال العالم
ممكن تعملي عجينه الشو وتشكلينها وتحفضينها في الفريزر بعد ماتبرد لمده اسبوعين
والكاسترد ممكن تعمليه قبل بيومين وتغلفينه كويس بجلاد وتحفضيه بالثلاجه
بالعافيه عليكم
= تسلمين الغلا اول ما اجربها وتضبط بحط صورها فالمنتدى 