عندي سؤال بنت خاتي ربت الحمدلله قبل يومين بعمليه بس بغيت اعرف شو الاشياء الممنوعه وشو الاشياء الي مب ممنوعه وشو تسوي عشان العمليه تجف بسرعه عطوني نصايح لانها وايد تتألم……
والله يبارك لها في النونو
حبيبتي انا ولاداتي كلها قيصريه من خبرتي اقولج اهم شي الجرح يكون نظيف كل ما تنظفه يبرا اسرع
وتنظيفه يتم بالماي والصابون فانا شو كنت اسوي حتى لو اتسبحت في هاليوم مره وحده اييب قطنه فيها
ماي وصابون وامسح عالجرح وعقب امسحه بالماي روحه وانشف المكان واخلي بطني مكشوف شوي
عشان الهوا يدق الجرح وكل ما احصل فرصه روحي اطيح عظهري واكشف عن بطني عشان الجرح يكون ناشف
ويبرى بسرعه يمكن ثلاث مراات في اليوم
هاي احسن طريقه وتتجنب الاكل اللي يسوي غازات لان كل ما كان فيها غازات بتحس بيوع اكثر
حتى الحليب ولو تلاحظين اول كم يوم ما بيعطونها في المستشفى حليب مع الاكل
وبيقولولها اجنبيه وبعد شو امممم
صح المشي زين يعني كل ما بتحاول تمشي بترتاح اكثر بس ما اتعب نفسها
وتكون لابسه هاف شوي يشد عبطنها خاصه اذا هي من الوزن الثجيل مثلي
لان الرحم ما يكون بعده في مكانه وكل ما تتحرك بتحس بثجل في منطقة المثانه وهالشي بيحسسها
بالم في الجرح عشان جيه دايما لازم شوي تشد عبطنها مب واايد واذا كحت او عطست لازم تاخذ نفس
واتحط ايدها على بطنها وتضغط شوي وعقب تكح او تعطس
اممممم هذا اللي اذكره واذا اذكرت شي ثاني ان شاء الله بخبرج
وان شاء الله انها تستفيد من هالكلام …
وسلامتج حبوبه ..
الصراحة الله يعينكن على ما ابتلاكم
المشاركة الأصلية كتبت بواسطة أم فجوره 
والله يبارك لها في النونو
حبيبتي انا ولاداتي كلها قيصريه من خبرتي اقولج اهم شي الجرح يكون نظيف كل ما تنظفه يبرا اسرع
وتنظيفه يتم بالماي والصابون فانا شو كنت اسوي حتى لو اتسبحت في هاليوم مره وحده اييب قطنه فيها
ماي وصابون وامسح عالجرح وعقب امسحه بالماي روحه وانشف المكان واخلي بطني مكشوف شوي
عشان الهوا يدق الجرح وكل ما احصل فرصه روحي اطيح عظهري واكشف عن بطني عشان الجرح يكون ناشف
ويبرى بسرعه يمكن ثلاث مراات في اليوم
هاي احسن طريقه وتتجنب الاكل اللي يسوي غازات لان كل ما كان فيها غازات بتحس بيوع اكثر
حتى الحليب ولو تلاحظين اول كم يوم ما بيعطونها في المستشفى حليب مع الاكل
وبيقولولها اجنبيه وبعد شو امممم
صح المشي زين يعني كل ما بتحاول تمشي بترتاح اكثر بس ما اتعب نفسها
وتكون لابسه هاف شوي يشد عبطنها خاصه اذا هي من الوزن الثجيل مثلي
لان الرحم ما يكون بعده في مكانه وكل ما تتحرك بتحس بثجل في منطقة المثانه وهالشي بيحسسها
بالم في الجرح عشان جيه دايما لازم شوي تشد عبطنها مب واايد واذا كحت او عطست لازم تاخذ نفس
واتحط ايدها على بطنها وتضغط شوي وعقب تكح او تعطس
اممممم هذا اللي اذكره واذا اذكرت شي ثاني ان شاء الله بخبرج
وان شاء الله انها تستفيد من هالكلام …
وسلامتج حبوبه ..
وي فديييييييييييت ام فجوووره ( بوكهانتس مالتنا خخخخخخخ ) ..
اختي ما قصرت فديتها .. و كنت بقول نفس الكلااام .. بس اختي نست شي و بضيفه >> تفوق التلميذ على الاستاذ >> شو يالسه اخربط انا ؟؟
المهم .. لا تشل شي ثجيييل و حتى لو كانت تنظف مثلا أو ترتب شي >>المهم مجهود يباله حركه .. عادي تتحرك بس شوي شوي على عمرها و لا تشد على عمرها واايد .. وووووو بس ..
( ملااحظه : قريت في احد المواضيع ان الحريروه _ حبة الحمرا _ تسااعد في ابرااء الجرح بشرط انها ما تكون حاااره يعني ما يحطون فيها فلفل اسود واايد … )
و الحمدلله على سلامتها و مبروك ما ياكم ..