شحالكن بنآت وحريم
ربكن بخير
.
الغاليآت أنا فيني القولون العصبي ..
والله ذبحني .. أحس بطني منتفخة 24 سآعة .. والله اللي يشوفني يقول كأني حآمل في الشهر الخآمس
مع اني ضعيفة (تخيلو شكلي كيف)
ومرآت يقولون لي جسمج غريب .. ضعيفة ومكرشة
مع ان هالانتفآخ كله بسبب القولون ..
كله متوترة وعلى أعصابي على اللي يسوى واللي ما يسوى
والله تعبت وأنا ادور علاج ..
قلبت القووووقل بكبره .. ما حصلت علاج نهائي
بس في اشياء تخفف ..
.
مع العلم اني عمري 23 .. هذا وبعدني ما عرست وما وراي مسؤولية ذبحت عمري بالتوتر والتفكير
دخيلكن .. شو الحل يآ بناااااااااات .. !!
ردوا علي .. لا تهملون رسآالتي ..
أم سيف
ممم اخر شي سمعت عن غسيل القولون ويقولو ن لازم االلي عنده القلون يسوي له غسيل سنويا ما متاكده من صحه المده لكن الغسيل شي مهم ها اللي اعرفه
ممم صح لازم تسوي له منظار بعد
وسوت لي فحص كآمل .. وقآلت لي فيج القولون
عطتني حبوب مهدئة بس ..
ويوم خلصت رد لي من أول ويديد ..
يعني ما استفدت شيء .. وسالفة غسيل القوولون صح في ناس يمدحوووونه بس يقولون له أثآر على المدى البعيد
وانا بعدني صغيره .. مآ اريد اذبح عمري بيدي
.
دخيلكن ردن علي .. أبا شيء فيه أعشآآآآآآآآآآآآآآآآب
ويكون مجرب بليز
عليج بالنعناع…فوريه واشربيه واذا تحبين حطي شكر…
وكل كل شي يهدي المعده…الينسون…المثيبه…واذا ترمين تاكلين النعناع اكليه…حطيه في السلطه في السندويشات
وحاولي تبتعدين عن كل شي يهيج المعده والقولون…
الله يشفيج يارب
أتريا ردووود البآقيات