[الفولك آسد] لحياة صحية

آلسلام عليكم…،

مرحبا كروشات.؟!

عندي استفسار بسيط وعالسريع..؟!!؟

بخصوص حبوب الفولك آسد….لين اي شهر استخدمتنها.؟

وعادي لو نقطع فالاستخدام يعني يومين هيه ويوم ل واكثر..ا وجي..؟ بسبة الوحام واللوعه دعولي

لاني انا وايد تعبانه من الوحام..وما اروم استخدم حبوب وايد تلوع جبدي..بس اغصب عمري مرات

حد يفيدني..

ع فكره انا حاليا" فالثالث.

هلا اختي والله اللي اعرفه لا توقفين الحبوبه لانها تساعد في تكون الجنين وحمايته من لتشوهات والوحام شو يسوي الواحد انا ماكملت الثاني وآنس الموت من اللوعه لا عيشه ولا شي كارهه الاكل وريحته بس شو نسوي ماشي بالساهل وماجورين بأذن الله تحملي يختيه ولاتوقفن الحبوب الا بعد ماتستشيرين الدكتوره اللي تراجعين عندها والله يسهل علينها وعليج ياربي

لا توقفينه أستمري عليه أنا فالتاسع ولازلت أكله لأنه حديد وااايد بينفعني حتى عقب الولاده..
وحده من أهلي وقفته من شهرها السادس على ما أضن ونزل دمها وااايد ونوموها في المستشفى..

هو وايد مفيد وتمي اخذيه ولا وقفينه الا عن طريق الدكتورة

والله يكون ف عونج وعونا ويمرر فتره الحمل ع خير

الغاليه الفوليك مفيد للي ناويه تحمل من قبل الحمل بشهر او شهرين تستمر عليه والحامل لازم تاخذ تسع شهووور يعني لين تربي وعقب الربا اصلا بيعطونج اياه بعد لانه جسمج يحتاجه وااايد … بدونه بينقص دمج وايد وغير هذا الفوليك يساعد جسمج انه يمتص الفيتامينات والمعادن من الاكل بصوره احسن ..
والله يقومج بالسلامه ويسهل عليج الحمل والولاده يا رب ..