الفواصل اللي بين السيراميك سودة و ما تحبين تستخدمين الفلاش؟؟؟؟؟؟عيل حدري شغل يدوي

السلام عليكم حريمات ربات البيوت الشطورات

يايبة اليوم لكم طريقة و الله أني أنا ما كنت مصدقتنها لين يربتها
و انا عاد يا خواتي من النوع اللي عنده وسواس بالنظافة

و الطريقة هي انج تسيرين عند العطار و تشترين مادة اسمها ملح الليمون وايد رخيصة يبيلج كيلو له وايد استخدامات (ان شاء الله يايتنكم في الطريق)

نرجع لموضوع الفواصل اسودة الشينة بين السيراميك أول شيء بلي المكان بماي و صابون و بعدين نثري بيدج ملح الليمون في كل مكان و خليه نص ساعة عشان يشتغل عدل و عقب قومي عليه ببروش له أيد طويلة أشوي و فركي زين اما زين وبعدين كملي الغسال بماي و شفطي بالشفاطة
بتتعيبين من اللي اتشوفينه بيرد المكان ايديد لا فلاش و لا خرابيط بشيء طبيعي ما يأذيج و يأذي عيالج

لان فلاش يخرب الحنفيات و مقابض البيبان و هذا بالعكس المكان اللي بيي عليه يغدي يبرق و يلمع و يايينكم الخير عن ملح الليمون عندي وايد له استخدامات

مشكوره الغلا

بعد في ناس يحطون ملح الليمون مع بيكربونات الصوديوم ..

وملح الليمون موجود في الجمعيات والعطار

ناطرين باقي الاستخدامات
وتسلمين عزيزتي

مشكورررره ان شاء الله راح اجرب

مشكورة الغلا ويبالنا نجرب وياليت تحطيلنا الاستخدامات الثانية لملح الليمون

مشكوره بجرب وتسلمين

مشكووورة اختي