الفزعة يا سيدات الامارات ,, لاناقة المرأة

بسم الله الرحمن الرحيم ..

السلام عليكم بنوتات و حريم ..

اشحالكم .. ؟ عساكم الاطيبين ..

الفزعه دخيلكم ..

انا الصراحه ملجتي إن شاء الله بتكون ف نص 3 ..

وللحين ما سويت اي شي .. وبما اني اكبر بنت فالبيت فـ مب عارفه شي ..!!

وللحين ما زهبت شي !! ادور ادور ادور ومب عارفه عن شو ؟؟

والملجه إن شاء الله بسويها فـ قاعه فـ الشارجه .. بس للحين .. ماحجزت !!

وما اعرف اي قاعه بسويها !!

واعرف شو اللي لازم اجهزه !!

حد يساعدنـــــي !!!!

هلا والله .. الغلا
اذا الملجه تبغينها تكون عائليه .. تقدرين تحجزين ف جمعية الأتحاد النسائيه
او قرية البوم ف الشارجه .. ^^

وعن الفساتين .. بطرشلج ع الخاص.. ارقام حريم يأجرون فساتين رووووعه

وقريب ف عيمان والشارجه .. ^^

ولج الأختيار ^^

بالنسبة للمكياج والتسريحة لازم تحجزين من الحينه لانه عقب ما بتحصلين حجز!

اختي انتي حددي شو الاحتياجات واحنا ان شاءالله بنساعدج..

الله يوفقج

Lulu & Ali

مشكوره فديتج ماتقصرين ..

وعن القاعه .. انا ابا اسويها ف البوم .. بس ابا احدد يوم و ابا اعرف الاسعار !!

كيف اقدر اتواصل معاهم ! لازم اسير عندهم ولا كيف !

خالتي قماشة

عن المكياج و التسريحه .. انا سألت و قالولي عن وايد ..

بس ما اعرف !! ابا حد مجرب !!

ماتقصرين الغاليه ..

عادي لا تحاتين عندج وقت …
انا ملجتي تحددت في اسبوع ! والحمدالله اموري تيسرت لاني سرت الاماكن اللي متأكده من شغلهم ما يلست ادور …استغلي الوقت
اول شي واهم شي حددي اليوم وهذا على حسب القاعه يعني شوفي اي يوم فاضي عندهم …ويفضل يكون ويكند احسنلج اذا كنتي تدرسين واذا تشتغلين ترومين تاخذين اجازه
ثاني شي تحجزين وحده تتعدلين عندها … عني وحده كنت ابى هند الاميري بس كانت بزي تعدلت في صالون ليند خليفه حلو ميكبها بصراحه واللي تسوي شعر روعــــه ^_^
وثالث شي دوريلج فستان بطرشلج ع الخاص ارقام اللي يأجرون الفساتين اذا كنتي ناويه تأجرين واذا بتشترين …المصمم أماتوا احينا ييب كولكشن حلو ^_^ اذا كنتي تبين شي راقي ^_^
ورابع شي اذا كنتي ناويه تلبسين تاج ((انا احب ستايل الاميرات لووول )) أجري عند تيجان اللي في شارع الوحده عندهم كولكشن حلو وعادي تزيدلج كريستل على لون فستانج
وخامس شي الباقه …عندج محل أثيــــر في شارع الوحده حلوه باقات وستايلهم راقي
ولا تنسين التصوير طبعا ها اهل المعرس بيحجزونه ….حق ملجه احجزي استديو سنيوريتا اسعارهم حلوه …البوم ديجيتال بيكلفج 3500 على ما اضن ((البوم الملجه مب لازم يكون واااااااايد فخم بس لازم يكون حلو في نفس الوقت))
وما بيتلج الا سوالف الصالون والحنا بتخلصينها قبل الملجه بيومين ^_^
موفقهـ حبوبــهـ

الله يوفقج حبوووووووووووووووووبة ^^

الدكتــوره

هلا بج اختيه .. تسلمين وماتقصرين ..

سهلتي علي واااايد اشيا .. جزاج الله ألف خير الغاليه ..