خواااتي انا البارحه باليل نزلت مني افرازات بنية شرات الافرازات اللي تنزل بداية دورة وانا ماحسيت انه شي ينزل مني الا يوم رحت الحمام(عزكم الله) ومسحت بكلينكس جفت دم خفيييف وولونه ووايد باهت وافرازات بنية بس مب وااايد وحتى يوم اروح الحمام(عزكم الله) ماينزل شي ابد بس يوم امسح بكلينكس ويكون في الكير فري واشوي ترا ما ينزل ووووووايد مب افرازات بمعنى الكلمة … فرحت لأجرب دكتورة امس وقالت لي ان الكيس مايكبر يعني اهو اصغر عن سنه وخوفتني وقالت لي انه بداية اجهاض بتتريا لاخر هالاسبوع اذا ماكبر بتعطيني حبوب تنزله او اسوي عمليى تنظيييف.. والله اني يا خواتي خفت خفت وطووول الليل مارقدت..لكن اليوم الصبح رحت لدكتورة ثانية يوم سوت لي سونار قالت لي ان الكيس يكبر بس نموه بطيء يعني المفروض يكون اكبر عن اللي كان والحل الوحييييد قالت لي ا ني اسوي تحليل هرمون حمل رقمي يعني اليوم سويت تحليل دم وعطتني موعد يوم الثلاثا فإذا زاد فهذا شي اوكي واذا نقص مازاد فهذا بدايه اجهاض فادعوووولي يرتفع وقالت لي انه ووايد ناس صار لهم جي ويربون طبيعي والنمو يتأخر في أول 3 شهور وناس سبحان الله مايكون لهم نصيب بالجنين بعدين الله يرزقهم..
والحمدلله انا مقتنعه وواثقه بالله اذا لي نصيب مهما صار بيستوي اللي الله كاتبنه واذا ماصار من نصيبي الحمدلله على كل حال ان شاء الله الله بعوضني خييير… ادعوولي خواتي فيه حد صار له جيه او تعرفون حد صار له جي؟؟؟
أنصحج تسيرين مستشـفـى حكومـــــي
تحملـي ترهقين نفسج خليج منسدحـه ع ظهرج
وعشآآآآآآن الدم
أطحني الحبه السودآآ و أشربيهااا فحليب ولاااالبن
ترآآها زينه للبيبي بعد
الله يثبت جنينج أن شاء الله ويطمنوونج عليه
الله يثبث حملج ويرزقج بالذرية الصالحة
الله يثبت حملج يااختــــي
وان شاء الله ماتشوفين شر .. ويرتفع الهرموووون وربي يحفزلج البيبي من كل شر
انتي ارتاحي ولاتتعبين رووحج
الله يثبت لج حملج ان شاء الله.. ويجعلها من الذرية الصالحة
انا استوا فيه جي جان ثاني يوم اجهض.. اتمنى ما تمرين بنفس تجربتي.. ريحي عمرج قد ما تقدرين وادعي الله يثبتلج حملج اذا فيه خير لج
لا فديتج أختي عشق بدوية السموحة منج بس الحبة السودة مب زينه حق الحامل انا كنت احسبها جذيه بس هي مظرة وانا قريت في احد المنتديات من احد المتخصصين في هذا المجال
اختي الامل الساطع
الله يثبت حملج ويطمن قلبج ان شاالله
انا صارلي في بداية حملي جذيه بدى عندي افرازات بنيه اول شي وتميتني في المستشفى مع النزيف وعطوني مثبتات والحمد لله عدت على خير
روحي مستشفى حكومي أحسن