الفزعة –> عروس بحاجة الى فستان

الحقوني يا جماعة الخير :1 (37): عرسي في نص شهر واحد (يناير) و للحين ما حصلت فستان…دورت في الشارجة و دبي و عيمان بس ما لقيت شي على ذوقي…بصراحة ابي شي ستايل و شغل نظيف..دلوني على حريم عندهم فساتين بس كل فستان يعجبني يقولولي راحت عليج الفستان مأجر…انا حتى رحت لمحل زهير مراد و وليد عطا الله و عقل فقيه و ما لقيت

ياليت لو وحدة تقدر تفيدني او تعطيني اسم حريم في دبي لاني للحين الحريم الي رحتلهم كلهم في عيمان و الشارجه

كم حاطه في بالج تاجير!!! لأن عندي فستان عرسي من اروشي.. رووووووووووعة وانا ملبوسه مره وحده يوم عرسي بس..

بصراحة الفستان غالي وتاجيره اكيد بيكون غالي بس طبعا اقل من سعر الفستان الاصلي

طرشيلي على الخاص

شيكي ام ذياب لتأجير فساتين العرايس-مواضيعي
https://www.uaewomen.net/showthread.php?t=27740
https://www.uaewomen.net/showthread.php?t=27881
https://www.uaewomen.net/showthread.php?t=27908
https://www.uaewomen.net/showthread.php?t=27767

أنا بعد عرسي نص واحد وأجرت الاسبوع اللي طاف الحمدلله
بدليج على المصممين اللي رحت إلهم وكلهم فساتينهم حلوه بس كنت أدور أنا فستان كلاسيكي
بس أجرته 14000

إذا سعره يناسبج بخبرج على مكانها
وأنصحج تشترين مجلة جمالك 2024و 2024 مظهرين فساتين روعة يمكن شي يعجبج

أنا عندي فستان ما تأجر ولا مرة.. فستاني مثل مال السندريلا منتفش بس مرتب من تصميم لابريما..
بس القياس مال الفستان هو اللي صعب.. يباله وحده ضعيفة.. و انا ما ابا اوسعه أخاف عليه..
وياه جوتيه قياس 38 و ياه طرحته.. و اللي تبونه أنا حاضرة,,
على فكرة انا مخلتنه عند ربيعتي ف محل مال تأجير (و مب طايع يتأجر بالمووول لأني كنت ضعيفة) و كل يومين امر اشيك عليه و ماشي فاااااااااااايدة..
و ربيعتي هاذي ثقة… عندها كم فستان.. اذا تبون انا حااااضرة و من العين هاذي قبل هاااااااذي

اعرف وحده عندها فستان رااااااااااااااقي مفصل في لبنان ومحد لبسه غيرها طبعا …والفستان عجييييييب اذا تبين بخبرها بس كم مقاسج….؟؟؟؟؟؟وانتي طويله ولا …..طرشي لي ع الخاص …