الفرق بين جامعة الامارات وجامعة زايد تعليم الامارات

السلام عليكم ورحمة الله وبركاته

خواتي اللي درست في جامعة الإمارات أو جامعة زايد

على أي اساس اخترتي الجامعة وشو الفرق بين الجامعتين وأي وحدة أحسن

وشروط القبول في الجامعتين نفس شيء ولا

وبخصوص السكن في جامعة الامارات
من ناحية التخصصات والتدريس
وإمكانية التخرج هههههههههههه

لأن في ناس تدرس وتعب عمرها وعلى آخر شيء يطلعونهم ولا في شهادة ولاشي

اختي ،،،

كل شي يباله اجتهاد عشان تحصلينه حتى لو درستي في اسهل جامعه …

لا تخافين ،، وخلي ايمانج بقدراتج كبير ،، وحطي لعمرج هدف عشان توصلينه

كل شي في بدايته صعب ،، لكن لكل مجتهد نصيب ،،، ما في شي بيوصلج بسهوله ،،

والله يوفقج ويوفق كل طالب علم !!

شكرا أخت ورد الغرام على الرد
طرحت الموضوع لأن تقريبا نحن ما عندنا غير جامعة زايد والامارات
طبعا اتكلم عن الجامعات الحكومية
وبما أن جامعة زايد هي اقرب بالنسبة لإمارتنا من جامعة الإمارات
بس التخصص اللي اباه في جامعة الإمارات اللي هو gis
فمحتارة بين الجامعتين ل
بسبب ظروفي ويمكن أهلي يعارضون سالفة السكن وما إلى ذلك وجامعة زايد تقول عنها ابلتي في المدرسة إنها صعبة بس بعد قالت إن واااايد ناس دخلوا الجامعة ودرسوا فيها يعني الموضوع استوا عادي

و عليكم السلام و رحمة الله و بركاته
بما أني خريجة جامعة الإمارات اخترت هالجامعة لأنها الجامعة الحكومية الأقرب لي
و لو كانت جامعة زايد قريبة كنت مليون فالمية بقدم عليها
و احذفي هالكلام من راسج ناس تتعب و آخر شي بدون شهادة!!
الجامعة ما تطرد الطالبة إلا إذا نزل معدها و حصلت إنذارات أو في حالة ما يابت الآيلس
عاد هذا اللي أذكره بس ما توقف الطالبة بلا سبب
كل جامعة و كل تخصص يباله جهد

بالتوفيق،،،،،،،،،،،،،،،،،،،،،،،،،

بالتوفيق ان شاء الله

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

جامعة زاييد

لاانها الاجرب لي والاهل كانوا معارضين سالفه السكن .. وانا اصلا مابا السكن ..

ثنتينتهم زينات بس تخصاصات جامعتنا محدوده .. ومثل ما قالوا ما تنطردين الا اذا معدلج نازل