والله ما اعرف اكتب مقدمات فبدخل فالموضوع على طول ( دغري على قولة اخوانا المصرييين)
من يومين كنت رايحة السوووق مع ريلي و أنا من قريب اتنقبت والحمدلله
فكنت اتناقش معاه اني احب اتغشى وما احب النقاب وهو رافض نهائيا يقولي نقاب وبس
وانا احاول اقنعه اقوله ما شي فرق الغشوة تغطي الويه والنقاب نفس الشي يعني الاثنين يأدون نفس الغرض حتى اصلا النقاب يبين العين واذا العين حلوة بيكون فتنة اكثر اما الغشوة ما تبين العين الموووووهيم ما اقتنع كالعادة
وفلما وصلنا المحل ودخلنا كان في بنتين وحدة متغشية والثانية متنقبة فاللي متغشية كانت رافعة الشيلة عسبت تشوف الموديلات عدل ولما دخلنا نزلت الشيلة على وييها
ولما ردينا السيارة قالي ريلي شفتي الفرق الغشوة لازم ترفعين جدام الهندي علشان تشوفين
اما النقاب ما يحتاي ترفعين ولا تكشفين عن ويهج
وبعد قالي ليش هذي ( قصده عن لبنت اللي نزلت الغشوة ) شو قصدها الهندي محرم والمواطن مب محرم والله منكر……….اسمحولي طولت عليكم بس بغيت رايكم بالموضوع
في فرق بين الغشوة والنقاب؟
و شو عن البنات اللي يرفعن عن ويوهن جدام الهنود ويتغطن عن غيرهم
قولي ان شااء الله وريحي عمرج فديتج هذا من جهة
من جهة ثانية النقاب أحسن لج لأنه ما يتعب عيونج وتشوفين عدل وجي
وكمان الغشوة شوي تكشف ملامح الويه مب مثل النقاب
اتمنى اني افدتج شوي
والسموحة 
بس في كل الأحوال الويه هب عوره يعني بس من باب الإحتياط وانه الوحده ترتااح تلبس النقاب او الغشوه..
انا اللبس الغشوة بس بصراحة ارفعها يعني ماغطي ويهي بس تغطي جتوفي والوقاية لا اكثر ولا اقل وحتى لو مرات انزلها خلاص انزلها ومارفعها لا للهندي ولا للمواطن يعني الأثنين سواسية.. اذا رفعتها وانا في محل اطالع شي ودخل موااطن عاادي مانزلها اخلي عمري عاادي لأنه الحمدلله مغطية جسمي وشعري كاامل يعني هب متبرجة وويهي مافيه شي وبث ^^
النقااب عمليااا اسهل
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن
و اذا لا فالنقاب احسن
و النقاب بصراحه علي انا موووووووووووووول ما احبه لان العيون تكون فتنه..يعني مره يربت و تنقبت ما سلمت من المغازلجيه مع اني ما امكيج عيوني فعشان جذي ما احب النقاب بس هو بصراحه اريح