اكيد مستغربين الي زماااااااااااااااااااااااااااااااااااااااااااااااا اااااااااااان مادخلت المدونة وشاركتكم !!مابحسن قول غير ظروف انشغلت فيها شوي والحمدلله على كل حال …. وانشاءالله حابة ارجع متل اول وضل دايما معكم واشارككم بكل شي بعملو ….
هلا انا الي فترة عم حب اني اشتغل بالحلويات العربية تغيير عن الحلويات لكنت اعملها وانشاءالله كل مااعمل حلو عربي جديد رح افرجيكم ياه واكيد انشالله بيعجبكم ….
اليوم عملت اكلة شعبية كتير طيبة عنا بسورية اسمها ( عوامة ) وبالمصري ( لقمة القاضي) ويمكن بالخليج بسموها ( لقيمات) ….كل بلد والها تسميتها
المهم مارح طول عليكم انا عملتها اليوم وطلعت روووووووووووووووووووووووووووووعة مع اني جربت قبل هالمرة وصفة غير وماحسيتها طلعت معي متل هي الوصفة يعني بالمختصر (قرمشة من برة وطرية من جوا ) هههههههه قلبت دعاية وهلا الصور بتبين معكم
المقادير :
2 و 2/1 كوب طحين
2 ملعقة كبيرة خميرة فورية
1 كوب ماء دافئ
1 كوب زبادي( لبن )
رشة ملح
الطريقة :
جدا سهلة اول الشي نضيف معلقتين الخميرة لكوب الماء الدافي ونخليهم حتى يتضاعف حجمهم بعدين نضيف كوب اللبن ونخلطهم منيح بعدها نضيف الطحين ورشة الملح وبالملعقة الخشبية نحركهم منيح حتى تختفي الكتل ويصير المزيج ناعم ومطاطي… بعدين نسكرهم ونخليهم بمكان دافي يتخمرو مدة ساعتين على الاقل لانها كل مااتخمرت كل ماكانت نتيجتها حلوة وكل نص ساعة تحركو الخليط بالمعلقة الخشب حتى يطلع الهوا منها ….
مرحلة القلي : حطو المقلاية على النار وتستنو الزيت حتى يصير حامي وهالمرحلة كتير مهمة يعني مايكون حامي كتير لانه لاعجينة بهالحالة بتتحمر من برة بسرعة قبل لا تستوي من جوا…
هلا كونو مجهزين زبدية صغيرة فيها شوية زيت ومعلقة شاي … بتمسكو المعلقة باليمين وتحطو شوي من العجينة بايدكم اليسار وتغطو المعلقة بالزيت وبعدين تاخدو شوي من العجينة كانكم عم تعصروها بين الباهم والسبابة وتنزلوها مسرعة بالزيت وهيك حتى تخلصوهم وقلبوهم شوي شوي حتى يصير لونهم واحد وبعدين حطوهم علىورق النشاف شوي وبعدها نزلوهم بالقطر البارد ( الشيرة )
وهيك بكونو جاهزين
انشاءالله كون عرفت اشرحلكم وهي الصور للتوضيح :
في صور التغت معي بالغلط سامحوني بس بظن انها هالصور موضحة قوام العجينة كيف لازم يكون قبل القلي والنتيجة واضحة كيف ….
جربوها ودعولي مابتندمو ….
المشاركة الأصلية كتبت بواسطة شواخ ليش 
عزيزتي لبن الزبادي قصدي لبن الروب