مرااااااحب بنات شحالكن عساكن طيبات
الأظافر جزء لا يتجزأ من ايدينا الناعمة وتحتاج للكثير من الإهتمام والعناية لتكون جميلة ومتألقة
أنا وحدة من الناس اللي عندهم حساسية لدرجة ان أطراف أصابعي يتآكلن لو أهملت شوي
عشان جي على طول لازم أهتم بأظافري
وأنا أستخدم حبوب فيتامينات الجمال للعناية بالأظافر واليد والشعر
وأحس انهم فادوني لأن أظافري كانن ساعات يتكسرن ولونهن باهت بس الحمدلله الحين صارن أقوى ولماعات
بعد لا تنسون إن الأكل يأثر على كل شي فلازم تكثرون من شرب الحليب عشان الكالسيوم واللي تسوي رجيم مثلي
لازم تشرب حليب قليل الدسم وتاكل خضروات خضراء وخاصة الجرجير والثوم والبصل لا تقولون ما نحبهم في الأكل المطبوخ ما يكون لهم طعمولازم تستخدمين كريمات خاصة بالأظافر موجودة فالجمعيات والصيدليات
وفي خلطات مفيدة جدا للأظافر مثل هالخلطة اللي نقلتلكم اياها من النت :
زيت الزيتون و اللوز لطلاء الأظافر:
للحصول على أظافر قوية نظيفة خالية من التقصف يمكن طلاء الأظافر بمزيج مكون من زيت الزيتون و زيت اللوز مع دلك الأصابع بهما فى الليل قبل النوم و ترك المزيج على الأظافر حتى الصباح.
وأكثر شي يشوه الأظافر هو استخدام المنظفات باليد مثل صابون غسيل الصحون والكلوركس ولا تستخدمين أظافرج أبداً كأداة لأقتلاع أو تثبيت شي أو فتح العلب .
ولا تنسون اتقصون أظافركم لأن هالشيء جزء من النظافة ومن السنة النبوية
وأتمنى أكون أفدتكم بهالمعلومات البسيطة للعناية بالأظافر
ياسلااااام اول حده ارد علي الموضوووع
يعطيج العافيه هالموضوع
يعطيج العافيه هالموضوع
جزاك الله خير الغالية