شحالكم ؟
مشكلتي هي العمة ،الله يهديها اوقات تستوي طيبة واوقات شريرة واتعق رمسات وتننغز ,انا احترمها وما عمري غلطت عليها بس الله يهديها اوقات تيلس اتسب ولدها عساس انه مقصر عليها اونه ما يرد عليها وقت ما تباه هو اوقات يكون محطي صامت وهو نايم المهم هو ما يقصر فيها اذا طلبت منه شي بس للاسف تنكر الي سوالها هو وايد سوالها ,تبا تتحكم فينا بأي طريقة احسها اوقات اتغار مني خاصة يوم تعرف اني رايحة مثلا عيادة خاصة ,هي مريضة ،كل يوم اطلع شغله دوم تتويع عمري ما يلست وياها الا ما قالت شي يعورني واربع وعشرين ساعة بالمستشفى هي اتسير ,المهم هي تغلط وايد على ريلي انت ما فيك خير وانا ما ابا منك شي ،ودوم اتقولي حتى السلام ما يسلم خاصة اذا مثلا ما لمسها علي وهو حرام اي يسلم يقول السلام عليكم بشكل عام خاصة يوم اتكون امبوزة ,ودوم امطيحه عليه قاهرتبي وتيلس اتزاهق واتهازبه قدام عيالها انا انقهر مننها بس اتم ساكته اقول ما يخصني هذا ولدج ،بس انا اتنرفز وحتى اوقات اتقول قدام حرمة حمي صدق ما فيها مذهب ،واوقات تغتاض اذا شافته يتكلم ويا ابوه هي شويه متحسسه من عمي وهو ريلي يحترمهم كلهم وما يفرق امبينهم ، بس الله يسامحها،
واوقات يوم نبا نطلع جماعة اذا ريلي هو فكر بالرحلة لازم يخبرها واذا ما خبرها بتسويلنا زوبعة لاصارت ولا استوت وتيلس اتفاتن عليه ، ما احب اسلوبها خاصة يوم تيلس اتزاعق عليه وهووحليله ما يقول شي اخر مرة تمت تهزبه بسبت اهتم بابوه وهني عصب ريلي قال عافنا الله ،قالي هو يقوم بالواجب اتجاه ابوه ما فيها شي ،والله انقهرت منها قلتلها هذا ابوه يوم راح ريلي قلتلها يالله مع السلامة وروحت وانا منقهرة منها احنا ما سوينالها شي ،بصراحة قبل كنت اسير لهم والحين اريد اقلل زياراتي لهم واذا ييتهم بعد كمن يوم تيلس اتنغز ،انا ما يعيبني جي ،انا كافيه خيري من شري وانا ما اريد اسبها او اغلط عليها شو اسوي ،واذا اتصلت وما رديت عيل انا دقيت ليش ما رديتي ..إلخ وايد اشياء انا طفرت منها ،
أعرف كلامي ملخبط سامحوني
واحتسبي كل كلمة وكل تصرف تسويه عند ربج ..
انتي محترمتنها مثل امج وهذا شي زين ..
ما نقدر نقولج كلمي ريلج لانها في النهاية امه بعيبها وبإيجابياتها تتم أمه ..
ويمكن من زود حبها له تغار منج..
انتي بس ادعيلها ربي يهديها وانتي خذيها بالكلمة الطيبة بإذن الله بتلين
ظلي طيبه معها وعامليها كانها امك
ولك الاجر
واذا سوت اي شي ضايقج قولي ف خاطرج هاي نفس امي شو بسوي يعني
واكسبيها شوفي شو الي يريحها سويه
وخذيلها هدايه الحريم الكبار يستانسون ع هالاشياء
والله يبعد عنكم كل مضره
ومثل ما قالت وحده من الاخوات ترى العيايز يحبن الهداية وتقدرين تكسبيهن بالهدية والمعاملة الحسنة طبعا مب شي سهل ولا من اول مرة بتكسبينها
المهم لا تبيني لها اي شي عن حياتكم يعني شريتي رحتي لا تحركي الغيرة الي بقلبها وحاسبي قدر ما تقدري في تصرفاتج
ووصليهم وصل الارحام يطول العمر وفيه من الاجر الشي الاكثير
باجر بييوج عيال وبتزوجيهم يعني اكيد بتكوني في مكانها
اكيد بتغاري وبتحسي ان الحرمة خذت ولدج منج واكيد بتبدر منج تصرفات تغث
وان شاء الله الله يهدي عمتج ادعيلها في صلاتج ان الله يهديها حتى لو حسيتي قلبج ما يطاوعج دوسي على قلبج ودعلها عسى الله يصلح الحال
الموضوع يمكن يضايق بس انا اشوف انه انت ما متضرره .. الموضوع بين الام والولد وانت خلج بعيد أحسن
وخل علاقتج فيها عادي . .لا تغيرينها بسبب معاملتها لولدها
حاولوا تكسبون قلبها .. خذولها هدية … فاجئوها بطلعة بدون ما هي تقول
يعنى عبروها .. والولد هذي امه شو ما سوت لازم يبرها وما يتشكى منها
وان شاء الله الله بيسر الامور وتتحسن المعاملة