العصبيه للسياحة

ابي مساعدتكم بنتي عمرها سنه وثلاث شهور كلا تعصب من ادنى الاشياااء لان كل ما تسوي شي انا اصارخ عليها اقول لها لا لا تتنرفز بسرعه
مثلا تلعب بالكهربااا اقولها لا تصااارخ بأعلى صوتها وتعصب وتعق بعمرهااا بالارض وترفس ولما اشلها تضربني من العصبيه وانا من النوع العصبي ما اعرف شو اسوي ليها اقول ما بعصب عليها وما بضربهااا بس حركاتهاا تنرفزني وبالليل لما ترقد اقعد ابوسها واتأسف ألها واتحسف اني ضربتها ولا نازعتها واقول باجرما بضربها ولا بنازعها ووووووووتنعاااد السالفه
الله يخليكم ساااعدوني اخاف بنتي تتعقد وكيف امسك عمري ما اصرخ عليها وما اضربهاااا
امهاااات الخبره اترياااا ردودكم

يوم تي عند الكهرباا ان كنتي بعيد صارخي او علي صوتج علشان تروح بعيد عنها
بس ان كنتي قريبه منها سيري لينها وقولي لهاا حبيبتي هذا اوف ولا يعور لا تمسكينه وبعدين خذي السدادات ماليل الكهرباا بتحصلينهم في البيبي شوب ..

يوم تقعدين معاها حاولي تكونين هاديه خليها تاخذ طبع الهدوء لانه انتي في الاساس عصبيه ..
يوم تشوفينها جذيه وتصارخ ازقريها قولي لها تعالي بنلعب ولا تعالي بنلون وبتم بعدين بروحها تاخذ العابها ولا الوانها وتلهى عنج ..

انتي اهون من اللي اعرفهم يكفخون اعيالهم ويلصقونهم باليدار خخخخ

وعاد تعالي وقت الارقاد التمسيح والادمووع كلكم جيه خخخ

اتصبري عليها اشووي ,,,

لازم اتعصبين بس موب ع كل صغيرة وكبيرة

انصيحها بكل طيييب وحنان

الياهل يوم انعصب عليه يعاند بس لو بطيب مرة ومرتين وعقب بيتفهم وبيسمع الكلام

والله يحفظها لج ..

انا عني ما اتحمل اليهال على طول اضربهم الحمدلله اني مب معرسه ولا عندي عيال
ولا جان جتلتهم من الضرب

استغفرالله