الصيف قرب والسفررر حان طاريهـ >< التدريس الاماراتي

من ناحيتي انا

مقررين هاي السنة ان شالله نسير قروووب كامل من ( انا وخواتي وامي وابوي – عماتي وعيالهم – خالاتي وعيالهم )

بسير ان شالله الى ( تايــــــلانـــــد )

تاريخ السفره : 6-8-2013م
تاريخ الرجوع : 15-9-2013م

الطيران : على الخطوط القطرية

التكلفه : والله المشكلة احنا حجزنا من زمان لكن ماقطعنا التذاكر لأن راعي السفريات الله يسامحه قال حق ابوي لاتقطع التذاكر الحين راح تقل على شهر 6
عماتي خذوها ( بزنس ) شهر 4 كانت التذكرة الوحده 6400 ريال
خالاتي خذوها ( بزنس ) على شهر 5 كانت التذكرة 8000 ريال
واحنا دوم نحجز عند نفس السفريات الي بقطر وخسس فينا هالمره طلعت علينا التذكرة الوحده ( بزنس ) 9400 ريال

يعني شوفي الفرق بس صراحة انا ارتاح وايد فيها بس تكلفتها كل ماتزيد الله يعينا انا سمعت ان راح تزيد اسعار التذاكر يعني عادي توصل عندنا بقطر بزنس 11 الف لين 13 الف حق تايلاند

الي حابه اي استفسار عن تايلاند انا في الخدمة او محتاجة اي مساعده خلال الفترة الي انا بكون فيها هناك انا في الخدمة

يشمل ٤ مناطق ( لنكاوي – بياننج – كاميرون – كوالمبور )