شحالكم …………
بغيت استشيركم في شي
وياريت اتساعدوني
انشالله قريب بكمل سنه من عرسي وبتخرج شهر 6 انشالله
وقدمت على وضائف
واليوم دقولي عسب المقابله
ريلي يقولي عادي اشتغلي
بس انا متردده
الحمدالله وضعنا اوكي وريلي مايقصر علي
بس انا ساكنه بيت بروحي واتعرفون مسؤوليات البيت
بعدين انا بعدي ماعندي عيال يعني لازم الواحد يفكر في المستقبل
يوم ايولي عيال
بعدين انا مابي خدامه لاني ابي اخذ راحتي في البيت
والحمد الله انا شغل البيت قادره عليه
بس المشكله اني خايفه يوم اشتغل انشغل عن البيت وريلي اكيد بيضايق لان دوامه شفتات
( سالت اخوي وقالي الحرمه مالها غير بيتها لان الريال متزوج عسب يرتاح مب عسب الحرمه تشتغل وقالي اهم شي ان عندج شهاده الشغل مب مهم )
شو تنصحوني
فديتج امي ساكنه بعيد عني وعمتي حرمه كبيره
يعني وين احطي عيالي ؟؟؟؟؟؟؟؟ فديتهم
(( ما خاب من استخار ولا ندم من استشار ))
الوحده فينا ما اتعرف بالظروف وشو اللي ممكن يصير مع الايام
وبعدين مع مرور الوقت بتعرفين كيف اتنسقين وقتج مع الشغل والبيت
وانت براحتج
والعمل هالايام نوعين يا عمل بلا اختلاط مع الرجال واكيد يعني معلمة ((( وهذي المهنة انسي حتى تقعدين مع ريلج فما بالج بالعيال ان شاء الله )))
واما عمل باختلاط مع الرجال ,,, وهذا فيه حرام وحلال ,,,
عالعموم الله يوفقج عزيزتي ولا تنسي الاستخارة