الشباب عوضوهااا عن صداقتنا لتربية طفلك

صباح الورد ومساء الياسمين عليكم حبايبي

بنات انااا قبل لا اسافر وادرس برع البلاد سمعت اقاويل وكلام كله عساس اني اهون واتم هني
من هالكلام الي قالوه انه البنت من تدرس برع تصيع وتصير جرئية وقليلة ادب = تخترب
وانا الحمدلله كنت واثقه من نفسي اني مستحيل اسلك هالدرب لو شو ماصار اعرف نفسي عدل مدل خخخ
وصار بيني وبين ماماتي نقاش صغير وفهمتها واقنعتها اناا اناا غير وانا تربيتها واذا عالمكان ترا بنات اعرفهم وبالاسم بعد درسن بالبلاد وياهلهن بعد وكانت سمعتهن بالزبالة عزكم الله من الي يسوه
فهاذا مب عذر ولا بسبب قوي يمنعني اني اكمل طموحي واعتمد على نفسي واجرب الدراسة والمسولية برع كيف

والحمدلله الله وفقني ورديت لهلي سالمه غانمه وباحلى الدرجات حمدلله رب العالمين
اموري في السليم حمدلله بس مب هاي سالفتنا

بنات انا من رديت حاولت اتواصل وياربيعاتي واتفقنا كلنا نطلع ونتلاقى من بعد غياب طويل وصديقتي من الشله هي محور موضوعنا لليوم من ثاني لقاء لنا واناا احس انهاا غير مب هي شخصيتها كلامها وحركاتها حتى لبسها تغير !!

انا من النوع الي يحب وايد يسال ويطمن على احبابه وهالبنت كانت بالنسبة لي اخت لروحي متصورين لاي درجه كنا قراب من بعض !!

البنت سبحان الله الله ماعطاها الجمال بس عطاها الذكاء وعطاها العقل المنور ولسان ماشاء الله ينقط عسل يعني الي ييلس وياها يبا بس ياكلها من سوالفها ومن اسلوبها الحضاري المحترم بكل جملة من كلامها تذكر الله وتستغفر كانت صراحه قمة قمة عالية بالادب

انا غبت سنه عن البلاد ماغبت قرون عساس حال هالبنت ينقلب 360 درجه اكتشفت هالتغيير الي صار لها كله حزينه ومب واقعيه ابداااا صارت وغير عن جي وبالصدفه اكتشفت انهااا تكلم شباب ورياييل معرسين بعد مب واحد او اثنين وااااااااااايد
انصدمت وماقدرت اسكت لان مالي الا حلين الاول اني اكلمها وافهم شو سبب هالي يصير واحاول اردهاا كيف ماكانت
والثاني اني انسى صداقتنا وانساهاااا اساساا((للعلم وايد اشياء بحياتي التزمت بها والسبب هي ))

كلمتها وبكت لي ياجماعه وبكى قلبي وياها اقولها فلانه قوليلي ياحبيبتي قوليلي شو الي صار فيج الله يخليج لاتخليني بحيرة وقالت لي انااا خلاص عفت الحياة وعفت كل شي !!
زين ليش ؟؟
قالت لي سعاده بالله عليج منو راضي بوحده مثلي لا جمال ولاشي تكون زوجه له اناا خلاص عارفه نفسي وعارفه نهايتي التعيسة وخلاص هي كلها على بعضها خاربة خاربة ودشيت الشات ويلست اسولف واتضحك لهذا ولذاك وعطيت ارقامي وايميلاتي لهم وكل ها من بعيد لبعيد بس اسلي نفسي لان اناااا مالي حياة !!!!

قلت لهااا حبيبتي البنت مب بس جمال انتي ملامحج حلوة((صدق ترا)) واخلاقج احلى من كثير
وبعدين احنااا بنات الزواج مب من اهم الاشياء خاصه بهالعمر لنا لانه نحن شاطرات وهمنا الدراسة ومساعده اهلنااا وعقب الله ييب لنا النصيب بس انتي وقفي نفسج لهني وخلاص كملي دراستج وخل عنج هالسخافة وتذكري ربج يافلانه

يافلانه انا مب مصدقة ان انتي الي كنتي تنصحيني اتحجب واخبي شعري عساس مااستاثم وانتي الي كنتي تذكريني بحديث النامصات يوم كنت اقولج ابا احف حواجبي وعقب استغفر ربي وانتي الي كنتي تذكريني بالسنن عقب كل صلاة لدرجه صرت اذا ماصليت سنه احس اني ناسية شي او ان شي ناقص فيني

مب مصدقة هذي انتي والحينه شو انعكست الاية صرت انا الي لازم اذكرج
بكت يابنات بكاء الميت وقالت لي انااا كارهة نفسي وحاسة ان الله لعني
ماقدرنا نكمل موضوعنا الا هلي يتصلون علي ارد البيت

وعق ايام رحت وكنت اسولف وياهاا وصدمتني تقولي انااا ناوية افصخ الشيلة خلااص
وطبعا قامت تحف حواجبهااااا وضاعت من يدي صديقتي وصديقة عمري واخت روحي
قالت لي ياها بصريح العبارة اناااا تعبت من نصايحج لي ومن كلامج واتمنى هاليوم يكون اخر يوم لنااا

حسيت ماي بارد انسكب علي كنت مابين حلم وحقيقة اني اسمع هالجملة ليش ؟؟ ليش؟؟
كل شي بينا راح ؟؟

ايام الجيرة وايام الدراسة والطفولة راحت ؟؟

خلاص؟؟ الشباب عوضوج بكل شي ؟؟؟

مسكت طريقي وتوكلت عالله وانا قلبي يتعصر
اه اه احساس ماصار لي ولا راح يصير لي !!
ادعولهااا يابنات مثل ماانا ادعيلها ان الله يهديهااا ويصلحها ويردها للصراط المستقيم

ماقدرت اسكت كلمت امي قلت لها بالي صار قالت لي احمدي الله انه ابعدهااا عنج وها فيه خير لج ان شاء الله

ربي يوفقج يالغاليه ف دراستج

والله يهديناا لماا يحب ويرضى ويسعدج وأيسر درااستج حبوبة

الغاليه لا تخلينها البنت ضايعه وماتعرف وين دربها

الشيطان الرجيم ملون لها الدنيا باشكال والوان مالها وجود

يااربيييه من بنات اليوم .. حاولي توصلين للسبب الرئيسي اللي خلاها توصل هالمواصيل

لانه سببها اللي ذكرته انها مب جميله ماله دخل ابد ابد ابد

وهاييل اللي ترمسهم اكيد بيطلبون يشوفونها بيوم من الايام وهي بترضى بكل سهوله

مافكرت انه يوم راح يشوفونها راح ينفرون منها؟؟ والسبب انها مب جميله على قولتها؟؟

الجمال بهالزمن ماعاد مشكله مثل زمان اول… الجمال صار صفه مب لازم الكل يتحلى بها

الله يهديها والله يوفقج في دراستج يااارب والله ماعرف شو اقول غير اني ادعي لها بالهدايها وادعي لج بالتوفيق