الصراحة أنا فتحت هالمووضوع عشان ان شاء الله يكووون مرجع لنا اذا بغينا نسافر لأي دولة خليجية
خوواتي كل وحدة اتخبرنا عن أهم المعالم الترفيهية والسياحية والمطاعم والسناتر في أي دولة خليجية هيه زارتها
مب شرط تكوون العضوورة من هالدولة …… ترى خليجنا واااحد .. وان شاء الله من خلال هالطرح نقدر ننشط السياحة الخليجية …… لأن والله دوول الخليج في وااايد أماكن حلوووة بس نحن نجهلها ونسافر برى حدودها …
الدولة الخليجية الوحيدة اللي زرتها هي الكويت …. ويلست فيها أسبوووع … الصراحة دوولة حلوووة وفيها أماكن رااائعة .. وسبحان الله تحس بالربشة هناااك يعني ما فيه مجال للملل ..
يلسنا في فندق سارا بلازا .. بالسالمية فندق حلووو وعجيب ونظيف وجريب حييل من السناتر ..
طبعا سرت الأبراج .. اللي تقدر تشوف كل الكويت من خلالها .. وسرت المسيلة حديقة مائية حلوة لليهال
وسرنا حديقة الشعب .. حلوووة وشرحة لليهال .. وطبعا لا تنسووون مطعم فريج صويلح .. أكله عجييييييييييب وطبعا المجمعات بالكويت في كل مكان سرت واايد سناتر ( مارينا ، المهلب ، سيتي سنتر ، الفنار ، البستان ……. الخ )
أبوظبي : عاصمة الامارات وأكبرها مساحة ولا تقل أهمية عن إمارة دبي من ناحية الاعمار والانجازات العمرانية ومن أهم المدن التابعة لها مدينة العين .. فيها مكان واايد حلووو اسمه المبزرة .. ممكان للاستجمام عجيب الصراحة ….. وفيها جبل حفيت … ولا تنسووون زيارة قصر السراب .. فندق وسط الصحراء لكن في قمة الفخامة والروووعة ويستحق الزيارة .. على فكرة تبعد امارة أبوظبي عن دبي حوالي ساعة ..
الشارقة : قريبة جدا من دبي .. أحلى الأماكن اللي تعجبني القصباء .. ( كوفيات مطلة على البحر ) وبحيرة خالد ..
ومن أم المدن التابعة لها : مدينة خورفكان .. مدينة السحر قد طاف الجمال بها .. مدينة عجيبة بهدوئها وكورنيشها الراااااااااااااائع وأهلها الطيبين وفيها مجموعة مطاعم حلوة … وهي قريبة من إمارة الفجيرة .. وهي تبعد عن مطار دبي حوالي ساعتين …
وللحديث بقية …
لي عوووووووودة
أبدا ما تنمل تزوريها السنه وإلي بعدها تريدين تزوريها بعدج سبحان نفس الأماكن لكن ما تنمل ابدا
من الأماكن السياحية
1- المواقع الأثرية:
* سمهرم يقع في ولاية طاقة
* البليد يقع في ولاية صلالة
* شصر يقع في ولاية ثمريت
2- المزارات:
* قبر النبي ايوب يقع على طريق إيتين
* ضريح النبي عمران يقع في ولاية صلالة بالنفس في المدينة
* ضريح النبي هود يقع في منطقة سدح
* ضريح محمد بن علي صاحب مرباط يقع في ولاية مرباط
* ضريح سالم بن عريبة يقع في ريسوت
3- المــــواقع السياحية:
تنتشر في محافظة ظفار العديد من المواقع السياحية وهي الواحة الغناء التي ينعم الزائر فيها بالراحة والأستجمام والتنزه المتتع وقضاء أروع الأوقات . وتصنف كالآتي:
* الشواطىء
ريسوت , الدهاريز , المغسيل , طاقة , مرباط
* عيون الماء
رزات , جرزيز , حمران , صحنوت , دربات
* الجبال
جبل حمرير , جبل اتين , دربات
* الحصون
حصن طاقة , حصن مرباط
* الكهوف النوافير المائية الطبيعية
كهف طيق بطوي عتير – كهف المرنيف في المغسيل , ويوجد أيضا في المغسيل النوافير المائية الرائعة.