السلطه آلعجيبه !! << بالصصصور المطبخ اماراتي

شحأآلكم ؟

هذي اول اكله لي بـ هالقسممم وان شاءالله تحوز على رضاكم ،،

الييووم يايبة لكم طريقة سلطه واايد حلوووه وايدين سالوني عنهاا وقلت بحطهاا لكم فالمدونة عشاان الكل يستفيد،
واسمها السلطه العجيبه << من عندي الاسم لان ماعرف شو اسمهاا بالضبط هع !
يايبة الطريقة من عند رفيجتي يزاها الله خييير ^^

والطريقة واايد سسهله ،

بسسسم الله

المقادير :

– خسس على حسب الرغبه ،
– 4 خيارات او على حسب ،
– 4 ليمونات كبار،
– روب كبير،
-علبة فاصوليا حمرا،
– علبة ذره،
– سماق،
– زيت زيتون،
– 15 بطاطس عمان او على حسب الصينيه،

الطريقه :

نقص الخيار مربعاات صغار وعقب نحط فوقه الذره بـ هالشكل

وعقب نسوي خلطة الروب اللي هي : " نحط روب مع ليمونتين ونخلطهم"
<<واللي يبي يحطي طحينيه بس انا ما احطي ،
ونصبه فوووق الذره والخياار بـ هالشكل ..

وعقب نحط الفاصوليا الحمراا على الروب بـ هالشكل ،

وعقب نقص الخس صغااار ونحطه فووق الفاصوليا بـ هالشكل :

وبعدين نسوي خلطة الزيت زيتون و نحطها فوق الخس عشان يعطينا طعم حامض وحلوو
فنجان زيت زيتون / ملعقتين سماق / 2 ليمونتين ونخلطهمم

واخر شي نكسر البطاطس عماان مثل اللي بالصوووره ونحطه ع السلطه من فوووق

الشكل النهاائي لسطله العجيبه << نحطيها بالثلاجه نص سااعه قبل الاكل عشان شوي تتماسك..

وبالعاااافيه علييييييييكم ^^

ياعلك للفردوس

ان شاءاله يوم بسويها مره ثانيه بطرش لكم هع هع ،

ومشكوورين ع المروور فدييتكم ^^