والتوفيق للجيمع أنشاء الله
عزيزاتي المشاركات انا حابه أخذ رايكم في موضوع إذا ما عندكم أي مانع وياريت اسمع رأي الأغلبيه في بالي مشروعين الأول كوفي شوب للسيدات فقط طبعا درست الموضوع الموقع بيكون في مول وأخترت في الخالديه مول الجديد أكيد كلكم تعرفونه وباقي التفاصيل هب لازم … بس هل تتوقعون أن تحتاجون كوفي شوب للسيدات انا من وجهة نظري ما تأخذت القرار منيه والسلام لا طبعا سويت اسئله وشوفت رأي الجمهور شو يريد وطبعا رأي السيدات بالإضافه انه بيكون فيه انترنت.
ثانيا إلا وهو صالون متحرك يعني كرفان متحرك وفيه خدمات اساسيه إلا وهي مكياج، منكير بدكير، تسريحه، وحلاوه
بس هذا بعدني ما خذت رأي السيدات فيه بس الأغلبيه أيد الموضوع وعيبته الفكره لأن اليوم نحب خدمة البيوت أكثر من الصالونات.
قولولي شو رايكم وشو الأكثر طلبا …………..أتريااااااااااااااااااااااكم
تعجبكم أفكاري
حياج الله معانا وان شاء الله تستفيدين ونستفيد منج في هالمنتدى
أفكارج حلوة وأتمنى لج التوفيق
عشان انفذ مشروع أحتاج أول شي دراسه جدوى كامله متكاملة عن المشروع وأشوف السوق هل تنفذ مثل هالمشروع سابقاً وهل نجح او فشل والسبب …… وبعدين من خلال دراسة الجدوى تعرفين كل تكاليف المشروع من المكان إلى رواتب الموظفين إلى آخره
ومن خلال الدراسة تعرفين الربح المتوقع ومتى ممكن تردين راس مال المشروع ومتى بتقولين انا حققت ربح …..
أختي اتمنى لج التوفيق …. طبعاً نحن الحريم يوم نروح مول اندور كوفي نسائي أكيد بيكون لنا أفضل من أي مكان ثاني نقضي فيه بعض الوقت للراحة
ولا تنسين اختي أول شي الاستخارة في مشروعج والاتكال على الله سبحانه وتعالي
وثاني شي أوصيج به ان يكون عندج عزيمه واصرار على تحقيق هدف معين انتي رسمتيه لج في بداية المشروع
والسموحه منج
والله أنا ما انصحج بكافيه سيدات …لانه وايد سووا نفس الفكرة و ما نجحت
أما الفكرة الثانية حلوة …و احس الحريم يرغبون فيها أكثر … و الله يوفقج
انا والله اشوف انه المشروع الثاني بيكون انجح الانه الحين اتعرفين السيدات الكسل إلي فيهم ويحبون الخدمه السريعه وإلي توفر الوقت اما بنسبه الكوفي اشوفه اصعب لانه نادر مايسيرون البنات الكوفي في المول بعدين تعرفين العدات والتقاليد ما تسمح
والله ايوفقج يا الغاليه