السفر

أول شي الغالية يعتمد انتي وين رايحة لان كل مكان يختلف ..

الغالية عمر ولدج سنة و10 شهور ما شاء الله يعني ما بتتلعوزين في أكله بس في أشياء مهمة لازم تاخذينها معاج خصوصا لو كان في شي معين يحبه..

الحليب في المرتبة الأولى وهو اهم شي وخذي بكمية كبيرة لانج ما بتعرفين استخدامج مناك كيف واذا خلص يمكن ما تلقين نفسه..

الفواكه وموجودة في كل مكان …

اخذي معاج قدر كهربائي لانج اترومين اتسوين اللي يباه ولدج ..

المواد الغذائية الباقية اترومين اتحصلينها في أي مكان يعني مثلا رز.. خبر .. معكرونة .. خضروات… الخ

اذا يحب الكورن فليكس خذيله من هالبوكسات الصغيرة شغلات منوعة ..

كيكات الصغار بنكهات مختلفة ..

جبن منوع ..

واذا في أي شي زيادة روحي السوبارماركت هناك واختاري اللي تبينه وان شاء الله ما راح يجوع انتي بس نوعي في الاكل معاه..

انا لما سافرت وعمر بنتي كان سنة ونص وتقريبا خذيت نفس الشغلات اللي فوق لانها كبرت على الأكل المهروس وما تعبت أبدا في أكلها .. بس هي كانت اتحب الزبادي وايد فاضطريت أخذلها مني وياي واحطهم في الشنطة مغلفة باكياس ماي باردة ..