من كثرة مواضيع مشاكل الشعر في هالقسم .. ورغبة كل وحدة ومنهن أنا طبعاً في شعر طووووووويل .. قلت لازم أخبركن عن آخر اكتشافاتي لأفضل و أنجع زيت للشعر .. قصة هالزيت إن الوالد كان مسافر الهند وقلت له هات لي زيت دابر أملا .. سار الصيدلية ورطن عليهم بالهندي ..وقاله الريال إن زيت دابر أملا موب شي .. و إنه هالزيت أحسن وحلف له إن يطول الشعر .. اتصل علي الوالد وقال تبيه ؟ قلت له هاته ماعندي مشكلة .. جربت كل شي عشعري وموب خسرانة شي .. خخخخ .. لما رجع البلاد نشيت الصبح أدور عالزيت كان جدامي ولا انتبهت عليه عبالي عطر .. خخخخ .. طلع الزيت غرشة !!
ريحته واااايد حلوة .. قلت ما عليه بجرب .. كان روتيني :: يوم هيه ويوم لا .. أخلي الزيت من الساعة 9 الصبح لين الساعة 1 الظهر و أغسله بشامبو التفاح أو أي شامبو يحتوي على كيماويات أقل .. واستمريت على هالشي لمدة شهرين .. وشعري إللي كان حد عند خط الستيان وصل للحوض !! وبعد طلعولي شعرات يداد !! أهم شي إني ودرت السشوار هو صعب بس الحمد لله تغلبت عليه.
وهذا هو الزيت من تصويري ::
مكوناته ::
زيت نباتي
زيت اللوز الحلو
زيت معدني
فيتامين إي
عطر
اتريه ردج لا تتاخرين
و السموووحه
من وين نروم ناخذه
المشاركة الأصلية كتبت بواسطة Danat-DXB 
خذاه من الصيدلية إللي يبيعون الدويات .. ^^
المشاركة الأصلية كتبت بواسطة Danat-DXB اتريه ردج لا تتاخرين
و السموووحه
هيه عادي .. تدرين هو خفيف عالراس .. بس لا تصبيه صب ولا بيطلع شعرج مزيت .. يعني حطي مقدار ملقعة كبيرة من الزيت وفركي راسج كله بيه ..^^
المشاركة الأصلية كتبت بواسطة سفيرة دبـي
من وين نروم ناخذه
إذا تعرفين حد يروح الهند عطيه اسم الزيت وقولي له يروح الصيدلية ومن هناك يشتريه .. 3=