الموضوع باختصار كيف ترتبون اغراضكم واغراض البيبي في الغرفه يعني اهل انتي مسويه كبيت مخصوص للاطفال ولاء ثيابج وثياب اليهال و بو العيال في كبت واحد ولاء كيف
وووو بالنسبه لقمصان النوم كيف مرتبتنهم في الكبت …..
يعني حبيت استفيد من تجاربكم ياحلوات لاني احس حجرتي وااااايد فيها اغراض عرفتوا
اتمنى انه نتبادل الافكار في هالشي
وكبت خاص بثياب البيبي
وكبتين لي واحد للملابس الداخلية والثاني للثياب
وفي ادرج للشيل الصلاة،،،
ولريلي كبتين للغتر والملابس الداخلية والثاني للثياب
والله الكبت انامحتلتنه ريلي له رف واحد فيهم كل ملابسه والكنادير له جانب مال التعليق كامل
وبنتي حاطة لها كبت في الغرفة الصغير اللي تجي قبل الحمام
والملابس النوم كل يوم اغير في مكان
والغرفة تصرخ
واغلب ملابسي من تطريز وجلابيات في بيت اهلي
اغراض في كل زاويه في الحجرة
فوق الكبت تحت السرير
الله المستعان
هلا أم حوور
بالصراحة انا اول مره اشار ك بالمنتدى و حبيت اشارك بخبراتي امكن افيدك انشاالله
بخبرج عن ترتيب غرفتي
في البيت انا عندي كبتين واحد تبع غرفة النوم وفيه اخلي ثيابي في نص من الكبت ثياب التطريز اعلقهن والجلابيات اخليهن في الرف فوق بعض وملابس النوم بعضهن اعلقهن وبعضهن اخيهن تحت في الدرج والنص الثاني من الكبت اخلي فية ثياب ابو العيال كناديره اعلقهن والفنايل الداخليه والوزره اخليهن في الرف تحت بعد.
امابالنسبه لثياب الياهل اخليهن في الكبت الثاني، الملابس الداخلية من شلح وفنايل مع بعض في رف، والبناطلين في رف، وملابس الطلعة في رف ثاني
سيري اكيا و بتحصلين شغلات حلوه لترتيب الملابس لان ما عرف كيف سايز الغرفه عشان اقدر اساعدج
تقبلي مروري فديت بناتي 3
للرفع 