بعد مروري على مواضيع القسم الرائعة والهادفة جدا.. طرأ على بالي موضوع مهم جدا ألا وهو الزواج في فترة الدراسة.. ل
طبعا مثل ما تعرفون الكثير منا من يتم خطبتهن وهن مازلن على مقاعد الدراسة..
منهن من يرفضن بالطبع بحجة الدراسة والأخريات هن الذين يوافقن بس بشرط إكمال الدراسة..
أنا بنظري إن الرفض بحجة الدراسة وإكمال التعليم ما ينفع..
لأنه إذا يا نصيبج اليوم ورديتيه يمكن ما ايي باجر؟؟ ولا شو رايكم..
وهنا تأتي الأسئلة والاستفسارات..
للمتزوجات اللواتي تزوجن وهن لازالن على مقاعد الدراسة.. يعني باقلهن تقريبا سنة أو سنتين وبيخلصن..
هل ندمتي على قرار الزواج أثناء فترة الدراسة؟؟
هل تعتقدين إن الحرمة لازم تعرس عقب ما تخلص ولا ما يخصه؟؟
وكيف استطعتي أن توزاني بين الحياة الزوجية والحياة الدراسية؟؟
وإذا مثلا كنتي تردين من الجامعة على الساعة 3 أو 4..
وريلج يرد قبلج.. هل يتضايق من هالشي..
ولا تحسين إن الرجل يراعي هالأمور.. ويساند مرته..
ومتى تحصلين وقت تذاكرين فيه..؟؟ وسبيشلي حق الإمتحانات.. كيف يكون وضعج؟؟
ومن ناحية الدرجات ومستواج العلمي .. هل تحسين إن الزواج أثر على هالشي ولا عادي يعني..
شو رايكم ففكرة إن الحرمة توقف دراستها شوي عقب العرس وتكمل بعد فترة..
بليز لا تحرمونا من ردودكم…وتجاربكم …
عزيزتي ،،، اقرى موضوعج واحس انج تتكلمين عن الي بخاطري،، الغالية هالفكرة متعبتني،،
انا مخطوبة ولكني مأجله الموضوع لحين أخلص الجامعه ما يقارب السنتين بخلص…
وكل الي وياي وبنفس الوقت انخطبوا وملجو عقب شهور عرسهن،، وهالشي يحز بخاطري،،،، لكني مازلت متمسكه برايي
الدراسه لها مسؤولية والزواج والبيت له مسؤولية ،، وانا ما اقدر اجمع بين الاثنين,,, فأفضل اني اخلص الجامعة الاول،،،
وهو دايم يحاول انه يقنعني انه بيوفر لي الجو وبيساعدني،، ومازلت رافضة …
((اقصد بمسؤولية الدارسة: ان انا صعبة الحفظ ،، ووقت الدراسة اب مكان هادي،، ومتطلبات الجامعة تجبرني اقعد ادرس من الصبح للمسا))
وان شاء الله بموضوعج بنستفيد من الي خاضوا هالتجرية وان شاء الله يكون فيه الخير للجميع
انا موقفه من الدراسه صاري شهر و عرسي عقب شهر و احاتي اذا رديت ادرس بو الشباب بيرد قبلي من الدوام لان ددراستي تخلص الساعه 4 ولا 5 يالله الله يستر لين حزتها
و ان شاء الله خواتنا المعرسات يفيدونااا
مشكلتي اني ما اقدر اذاكر لما يكون حد عندي و احتاج لتركيز و دوامي من 8-5 منو بيستحملني ما ادري
بس لو خطبني ريال زين بوافق و بخلي الملجة سنة
و هذا رايى
أنا بعد أحس فكرة تطويل الملجة فكرة أوكي…
بس ما تحسون إذا كانت لمدة سنة وايد؟؟؟ وبيمل الريال؟؟
انا ربيعتي سوت خطوية 5 شهور لبسوها دبلة بس بدون عقد
والملجة 7 شهور
صدقج عيل أحس إن تطويل فترة الملجة أحسن عن تطويل فترة الخطوبة..
وبهالطريقة البنت بتحصل وقت كافي تستعد فيه وتكمل دراستها..
حتى لو تملها كورس ولا كورسين عقب العرس
لأنه أحس فترة الملجة أحلى عن الخطوبة.. تروم تتعرف عليه .
. بس في فترة الخطوبة بعدها مب محرم عليها.. ما تروم ترمسه.. وتتعرف عليه..عاد هذا إن وافق الريل وأهله لوووول
بس ربيعتي مرة قالتلي إنه إذا زادت فترة الملجة يمكن لا سمح الله تصير مشاكل ومن هالقبيل.. ماعرف والله….
يسلمووووا خيتوووا 