الرضاعة الطبيعية ؟ للساحة الامارات

السلام عليكم
شحالكم خواتي ؟؟
عندي ولدي الله يحفظه ما يطيع يرضع مني الا بالغصب تعبت نفسيا منه .. ورضاعته الصناعية قليلة يعني يادوب يشرب لي رقم ويوقف عقب يكمل الرقم الثاني ..
ياريت لو تعطوني من خبراتكم احس ما مرتب الموضوع سامحوني بس ابي الفزعه

وعليكم السلام ,,

حاولي فيه الغاليه تمي كله رضعيه سبحان الله كل ياهل يختلف عن الثاني وشي يهال جذي مايهتمون للرضاعه ,,

والله يوفقج

يوم بترضعينه لا تقمطينه وحاولي تحركين ايده او تلعبين في ريله او اذنه وعن الرضاعة الطبيعية كثري من السوائل

وحاولي الموضوع يبى صبر وطول بال …

اول شي تسوينه تقطعين الصناعي ورضعيه بس من صدرج وترومين عقب تعلمي المرضعه
ثاني شي العبي بجبهته بخدوده بخشيمه فديته وتمي اقري عليه سورة الاخلاص

الرضاعة الطبيعية همة وعزيمة ويبالها صبر ومجهود ولاتنسي الاجر كثري من السوائل والماء والحلبة والينسون والخضار والبروتينات من اللحوم ..

ربي يخليه لج ويرزق كل محروم