الرشاقة عنواني مشاكل الحمل

السلام عليكم حبيباتي
شو أخباركم
أنا بسوي ريجيم منو بتسوي وياية بس بجد وعزيمتها تكون قويه ببدا من باج إن شاء الله
أنا كنت أسوي ريجيم والحمدالله نزلت 7كيلو قولو ما شاء الله
من باجر ببدا الريجيم مرة ثانية يلا يا خوات كلنا نساعد بعضنا وتكون عنوان الحملة
الرشــــــــــــــــــــــــــــــــــــــــــــــ ــــقة عنواني
أنا أول وحدة ببدا
طولي158
ووزني أحين والحمدالله71
وناويه أوصل وزني لين 60إن شاء الله
هاه منو ببدا وياية ونساعد بعضنا يلا بنات أترياكم
وشكرا

هلا اختي انا بكون ويااااك
طولي 176
وزني للاسف وصل 85اهئ

صح ابا اوصل 65ان شاء الله

موفقييييييييييييييين

يلا ياشوشة الغالية متى راح تبدين

موفقين

أنا برنامجي كالآتي
الريوق: جاي حليب وأستبدل الحليب بالكوفي ميت الدايت وايد حلو أنصحكم خواتي أحسن عن أبو قوس لأن ما فيه وايد سعرات حرارية وصمونة صغيرة مال توم وجيري أو كورن فلكس مال الدايت ..
الغدا:عيش مشخول بدون دهن طبعا أو خبز الإيراني واشويلي دياي أو لحم أو سمج الواحد ينوع عشان مايمل الصراحة وأنا أنوع أسويلي بالخضره أو بالفطر أوسلطة بالدياي روعة.
العشا: أي شي خفيف أنا يا بنات ما أمنع عمري والله كل شي أسويلي بس بدال المقلي مشوي وجيه انحافظ ع صحتنا برقر مشوي بيض مفور أو أعجن أسويلي خبز تاوة يوم أكون فاضية….. بس لازم الماي ما ننسى قبل كل وجبة نشرب كوبين ماي بنص ساعة …عقب الغدا بساعة أشرب جاي أخضر أو ماي حار.. وأهم شي يالغاليات المشي والله ينزل الوزن بسرعة اسأل المجرب ولا تسأل الطبيب في اليوم نص ساعة أو 45 دقيقة إلي يريحج جان تبين ساعة أحسن وأحسن وأي استفسار أنا حاضرة