السلام عليكم
خواتي الغاليات بغيت اسالكم عن الدوش المهبلي اللي بالصيدليه لان الدكتوره وصفته لي ان استخدمه قبل الجماع بنص ساعه منو عندها فكره عنه او جربته من قبل وشوفايدته وهل له اضرار ولا لا لان ابا احمل والله احترت شو اسوي والدكتوره وصفته لي مع حبوب كلوميد للتنشيط استخدمها لمدة خمس ايام
الله يخليكم فيدوني من تجاربكم لان توني معرسه من سبع شهور وخاطري احمل
وجزاكم الله الف خير
أنا كنت استخدم دش مهبلي (بنتادين) لونه ازرق ما ادري اخضر بس فالتعليمات مكتوب انه لا يستخدم في حالة الرغبه في الحمل وانا ودرته ما ادري والله
امنى البات يفيدونج لان ماعندي فكره ..وعسى ربي يرزقج عاجل غير اجل ..اللهم امين
الله يسمع منكم خواتي
بس اذا هو يمنع الحمل ليش عطتني اياه وانا قلتلها اني ابا احمل
الدش يمنع الحمل حبيبتي
الدش يمنع الحمل لأنه يعتبر قاتل للحيوانات المنويه وينظف وتعطيه الدكتوره اذا اكتشفت انه فيه التهابات فأكيد قصدها تتخلصين من الالتهابات بالبدايه
اختي غسول اسمه بيتادين واااااااااااااايد زين ايعقم الرحم وبتخلصين من البكتيريا ومن الروائح ..ويفضل استخدمه بعد الدوره يعني في اخر يوم لدوره عشان يتنظف بطنج من الدم…بس اذا بغيتي اتحملين يفضل استخدامه قبل الجماع بيوم تقريبا عشان يقتل البكتيريا الي في الرحم وايكون الرحم نظيف لستقبال المعاريس ( الحيوانات المنويه)هههههههه