الدوره غير منتظمه لصحة الجسم

السلام عليكم .. اخباركم ..
كيف اعرف انه دورتي منتظمه أو لا أنا الحين بدت دورتي في هالشهر بتاريخ 14-4 والشهر اللي طاف كانت بتاريخ 9-3 يعني بينهم 36 يوم والشهر اللي عقبه كانت 9-2 بينهم 28 يوم وبعدين بتاريخ 12-1 بينهم 28 يوم يعني اخر ثلاث شهور كانت منتظمه بس في هالشهر تاخرت 7 ايام هالشي اوكي يعني عادي تعتبر منتظمه ومتى اعرف انه الدوره مب منتظمه لو قلنا بين دوره ودوره 28 يوم ومره 27 ومره 30 يوم ومره 28 تعتبر الدوره منتظمه اتمنى انكم فهمتو علي ومدار راسكم من الارقام خخخخ.. المهم انا اسال لاني سويت عملية الغده وشالوها كامله فالحين انا اخذ دواء الثيروكسن 125 اظني جيه اسمه خخخ بكتبه بالانجليزي احسن levothyroxine-125 mg واخذه يوميا على الريج الي اعرفه لو كانت عندي الدوره مب منتظمه فهاذا معناته عندي نقص فالهرمون … هههههههه مب جني كتبة قصة حيااتي

28 يوم ومره 27 ومره 30 يوم ومره 28

تعتبر الدوره منتظمه

لان الفرق بينهم يومين او 3
اما اذا زاد الفرق بينهم اسبوعين معناته مب منتظمه

صح كلام الاخت …

اوكي ولو تاخرت اسبوع تعتبر منتظمه ولا ؟؟

للرفع

صح كلام البنات

اذا تبين تنظمي الدوره عليج بالمرقدوش مو الي يجي ف الغرش لا العشبه تحصلينها عند العطارين تشربينها أول يوم في الدوره لمدة 7 ايام تحطي ملعقه حده ف الكوب وصبي عليه ماي حار وغطيه لعشر دقايق بعدها اشربيه

انا مجربتنها وما شاء الله انتظمت عندي

وان شاء الله البنات بيفيدونج أكثر