حبيباتي اريد اسالكم انا صارلي والدة 4 شهور وللحين ما جتني الدورة وحللت بس ما في حمل او شي اريد اعرف امتى كل واحدة جابت جاتها الدورة وهل ممكن يحصل حمل الله يخليكم طمنوني
أنا بعد ثلاث أشهور، بس أحس عادي إذا اتأخرت أكثر من جية، فيه ناس اتيهم بعد ست أشهور وغيرهم أكثر، ومنهم مايكملون شهر إلا يتهم، وعن الحمل يقولون إن الرضاعة تمنع الحمل، بس ما عرف لأن وايدين ارضعون وحملوا بعد الاربعين.
عادي حبيبتي اختي يتلها الدورة بعد 9شهور من الولادة ووحدة من معارفنا يتلها بعد سنة تقريبا فلاتخافين
إذا كنتي ترضعين ولدج طبيعي فلا تحاتين اختي عادي
أنا مربية من 5 شهور و للحين ما يتني الدورة
اربيعتي نفس الشي بس بمجرد إنها قطعت الرضاعة عن بنتها في شهرها الخامس على طول نزلت الدورة
و اربيعتي الثانية قعدت سنه ولا يتها بعد الدورة و حملت بعد من دون ما الدورة تنزل بس هذي أبد ما عطت ولدها مرضعة كله ترضعه طبيعي
ما شاء الله عليكم انا مربيه من ثلاث اشهور و يتني دوره مرتين و واااااااااااااايد احاتي اني احمل كنت اتمني مثلكم اني ارتاح كم شهر من ارفها بس الحمد الله
أنا ما يتني الدورة وبنتي بتكمل 10 شهور ما أباها تي علشان رمضان
وأباها تي علشان أعرف أنظم أموري وما أحمل
أحاتي وايد شوأسوي 
شي عاادي..
بس ممكن يصير حمل..
أنا بعد بنتي يتني الدورة بعد سنة وشهرين وعلى طوول حملت بعدهاااا..
بس بعد ولدي ياني بعد 3 شهوور.. ولحقت عمري ومنعت من نفس الشهر..
هالمرة الله يعلم..