الدورة الشهرية ومشاكلها((ارجو المساعدة من الاخوات)) لسلامتك

لا اله الا الله
وان
محمد رسول الله

الغاليه
هالشيء يصير عند أكثيرية البنات
وانا مثلج واكثر
لازم طول اليوم عالسرير ما اتحرك
شوفي الغاليه اذا في فقر دم اخذي حديد عشان تعوضين النقص
لان الي فيهم فقر الدم اهم اكثر ناس تتعب

هذا شيء جدا طبيعي هذي هي اعراض الدوره الطبيعيه و هي ليست مرض حتى يكون لها علاج …و هذي الاعراض تصير بسبب الهرمونات و الاكتئاب طبيعي بعد و حتى البكاء بدون سبب و العصبيه بعد عند البعض

و الام البطن و الظهر ممكن تاخذين مسكنات مثل البندول و غيره يروح الالم على طول

و مجره ما تنزل الدوره بيوم او اثنين يرجع كل شي الي طبيعته

هذا كلها اشياء من طبيعه المراه لازم تتعودين عليها و تتاقلمين وياها

حبيبتي انا اعاني منها قبل الزواج ولين الحين اعاني..مع اني من عرس لي 8 اشهر ..مثل اعارضج تماما ..وكل شهر معاناه..قالوا لي بعد الزواج بروح بس ما راح..بقولج شو الاشياء اللي بتخفف عليج من خبرتي..استغنيت عن المسكنات..كنت واايد اخذ ابر وادوية بس سويت لعمري حل وهو وااايد فادني واستغنيت عن الأدوية..و هو حمام ساخن ..املي البانيو ماي فوق الدافىء وخليه طول اليوم وكل ما عورتني عضامي وبطني وظهري..زدت الماء الحار.. انغمست في الماي و5 دقايق وكل الالم يروح…ان شاء الله تستفين كل وحدة تعاني واحاول اني ما اتعرض للبرد…واتحرك واايد..الصراحة استفدت خطين تحت استفدت(تذكرت مدرسات المدرسة المصريات ههههه)
..وامي تقول بروح بعد اول ولادة..

ومن اسبوع اعاني من اعراضج…بس لين الحين ما يت واخر دورة كانت 25-2..انا دورتي ملخبطة تتأخر
وانا لين الحين ما حملت ادعي لي

حبيبتي عليج بشرب القرفه الساخنه سواء ويا الحليب او ساده وااااااااااااايد بتخفف عليج من الويع واللوعه بس المشكله انها بتنزل عليج غزيره شوي اول يومين لانه القرفه تنزل الدوره وبترتاحين هاذي عن تجربتي ما استغني عن القرفه في اول يومين من ايام الدوره

مشكورة عزيزتي
فعلا عندي نقص فالحديد واتم ابا ارقد طول اليوم
يالله الحمدالله