الدهن الخين المنزلي للارامل

الاخت العزيزه لاليك طلبت طريقة عمل الدهن الخنين وانا خذت الطريقه من الوالده
لانها الله يحفظها كل فتره تسوي لي واطرشه قلت لها هالمره اا بسويه
صح خبصت شوي وأذيتها بالاتصالات بس في النهايه سويته

بسم الله الرحمن الرحيم

اول شي نغسل لبهارات اللي بنستخدمها في الدهن ونخليها في مشخله كلن بروحه
عشان تنشف لين ثاني يوم انا حطيتهن في الثلاجه

استخدمت نص جيلة عيش وشويه من السنوت وشويه من اليليلان
فيه ناس يحطون طحين بدل العيش ( الهدف انه يمتص الماي من الزبده )

وممكن تحطون شوية حلبه بس ما كانت متوفره عندي عادي لو ما حطيتوها

الخطوات بالصور

البهارات قبل لا اقلاهن

عقب ما قليتهن

عقب ما طحنيتهن

نجهز الزبده انا استخدمت اربع من لكبار ( 400 جرام )

اول شي نخلي الزبده تفور لين تسيح

عقب ما تذوب زين نضيف العيش ونخفض على الضو على الآخر عشان ما اطيش الزبده
وتظهر برع واي رغوه نشلها

ونضيف عقب دقايق السنوت واليليلان ( اللي يحب الدهن يكون غامج يكثر منه
واللي ما يحبه غامج بس عشان الريحه الطيبه تكفي خاشوقه ونص من لبهارات )
انا احبه غامج حطيت من السنوت خاشوقتين ونص واليليلان خاشوقتين

نخفف على الضو وايد لو ما خفيتو بيطفح تراها برع عقب راقبو الدهن لو شفتوه صافي يعني
خلاص بندو الضو عنه ( الصوره ما ادري اذا واضحه لكم لانه الدهن هنه صافي
يعني اللي تحت يبين يعني نشف الماي )

الدهن زاهب الحين ( غامج من لبهارات ممكن تخففون ويطلع مب غامج بس الريحه خنينه )
لا تصلونه على طول خلوه جريب العشر دقايق عقب صلوه في الدبه ( انا صليته مرتين )

وهنيه لخلاصه عقب ما صليت الدهن ( حد ياكلها ويا العيش حد ويا التمر )

عاد قلت بجربه كنت مسويه خلطة صالونه هنديه جان اضيفه وياها

وكل عام وانتو بخير

وشكر جزيلا لكل من تزور او ترد على موضوعي

والسموحه منكم

دعواتكم

ملاحظه /// ياريت المشرفه تصلح لي العنوان وتكتب الخنين لاني كتبيتها غلط //

تسلم ايدج
انا اسويه نفس الطريقه بس بالطحين مادري اذا يكون نفس الطعم

مرحبا غنااتي

اظني ما يفرق

المهم انه العيش او الطحين يمتصون الماي

وتسلمين عزيزتي

هلا وغلا

اشحالج غنااتي ؟؟

وين غطيتي عنااا

وانتي بصحه وسلامه يا قمر

وان شاء الله يكون بياض ويه الدهن

عاد اول مره اسويه

بس طلع خنين

منووووووووووووووووووووره والله

ويزاج الله خير على الدعوه

وربي يبارك لج في بيتج وريلج وعيالج وفيج