الدراسة في جامعة زايد التدريس الاماراتي

بسم الله الرحمن الرحيم

الدراسة في جامعة زايد
سمعت أن الدراسة في جامعة زايد صعبة
لأن النظام عندهم اساسا صعب
حبيبت اعرف منو درس هناك وشو هي التخصصات المتوفرة عندهم

ويوم كنتي تدرسين كيف كان يومج الدراسي
وهل كملتي ولا

هلا عزيزتي
انا ادرس فزايد
نظامهم صعب بالنسبه للفلات مال الانقلش مدتها طويله وعمرج يضيع لفل ثري اربع شهور ونفس الشي لفل فور يعني سنه كامله على لفلين وبعدين ييج لفل فايف الين ايت طبعا كل ما ترتفعين فاللفلات تزداد صعوبتها خصوصا انه المنهج تغير فالكل يقول صعب وعقب ما تاخذين الايلس لازم تمرين بالجنرال اجباري انج تاخذينه عباره يا طويله العمر سنه ونص يعني ثلاث سمسترات السمستر الاول تاخذين خمس مواد عربي ، انقلش ون ، قلوبال ون << حضارات ، ماث اكسل او بيسك حسب درجه السيبا ، ادفايزنق وجنرال تو ست مواد ، انقلش تو ، اسلاميك ون ، قلوبال تو ، سيانس ، كرير ، وماث col 112 لتخصص البيزنس col 111 لغير البيزنس اوكيك ، واخر سمستر في الجنرال نفس الشي ست مواد انقلش ثري ، اسلاميك تو ، قلوبال ثري ، انفايرومنت ، اي تي ، واي ماده ثانيه
وبعدين ييج الميجر اللي عباره عن سنتين ونص
تخصصات جامعه زايد : كليه العلوم الاداريه : محاسبه ، تمويل ، تسويق ، اداره اعمال وكليه العلوم الطبيعيه والصحه العامه : تغذيه ، علم النفس ،
كليه العلوم العلوم البيئيه والتنميه المستدامه : علوم البيئه، وكليه الاعلام والعلاقات العامه وعند كليه الفنون وفروعها وكليه التربيه تدريس كي جي وحلقه اولى وثانيه للانقلش والماث
واخر كليه تقنيه المعلومات مع فروعها
الدراسه بشكل عام صعبه ما في شي سهل اذا الواحد ما شد حيله
هذا اللي اعرفه حاليا … السموحه عالاطاله وبالتوفيق

نــظام جامعة زايد مب صعب ولا شي
اذا انتي عندج القدرة انج تدرسين وتاخذين الشهادة .. بتقدرين تاخذين الشهادة !
أســاسا في هالدنيا مافي شي اسمه صعب !
اذا انتي درستي وكان عندج الحماس للدراسة والتخرج من هالجامعة .. صدقيني بتنجحين وبـ GPA عالي بعد !

نظام اللفلات جدا جميل وكان مريح ..
في كل لفل تتعلمين اشيـا يديدة .. تأهلج للجنرال والميجر

الجنرال مدته سنة ونص ..
فيه مواد متنوعة مثل الـ IT والماث والعربي والاسلاميك والقلوبال وغيرهم من المواد العامة

من بعده تتخصصين التخصص اللي انتي حابتنه لمدة سنتين ونص ..

بالنسبة للتخصصات فهي محدودة .. التخصصات متوفرة في أغلب الجامعات
بس مافيها طب ولا هندسة ولا قانون ..

وحاليــاً بهالسمستر بكون مخلصة 4 سنوات ..
سنة لفلز .. سنة ونص جنرال .. سنة ونص ميجر
باقتلي سنة ان شــاء الله وبتخرج

وبالتووفيق

صحيح مافي شي صعب اذا يا من اراده انج تكملين دراسه << والله يوفقج
و رد امنه اختصر علي الكلام : )

يعني لا صعب ولا شي
بس يعتمد على الطالب نفسه
إذا درس واجتهد بيوصل
وإذا حط راسه ورقد في المحاظرة
فالله المستعان

يعني مثل ما يقولون لكل مجتهد نصيب

انا اخر سنة في جامعة زايد ..

حبيت الدراسه في الجامعه ولو انها متعبه شوي ،، مب صعبه بس تحتاج مجهود ..

خاصة اذا كنتي ناويه تكونين من المتفوقات في الجامعة ..

بصراحه يومج بيكون مزحوم شوي في الجامعه عشان تخلصين الشغل وتذاكرين الامتحانات و تسوين اللي عليج.. بس في النهايه بتحصلين اللي تبينه

توكلي على الله وان شالله بتقدرين تدرسين وتتخرجين منها ^^

كتبت هذا الموضوع لأني محتارة بين جامعة زايد والتقنية وحبيت من الخبيرات طرح آرائهم
للإفادة ويزاكم الله خير