بدش بالموضوع ع طوول
انا بكريه و صارلي مربيه 5 ايام و اضطروا يسسوون لي خياطه 
والمستشفى اول ايام تعطيني مضاد حيوي و مسكنات الم بس
ولا وصفوا لي غسول او كريم او اي شي يساعد ع التاام الجرح
انا وايد خايفه المكان يعوورني وايد مارووم امشي هل ها طبيعي ?!
حتى انش من السرير بصعوبه
و حابه اسال اللي عندها خبره شو اسوي و شو الكريمات او غسول يسااعدني 
انا استخدمت بيتادين البني مثل الغسول وحسيت الجرح قام يعورني اكثر
بلييز اللي عنها خبره تساعدني
انااا بصراااحه مااا عندي خبره لاني بجر
بس ان شاء الله اللي عندهم خبره يفيدوووج …
ليش باي مستشفى مربيه ؟؟
ولووو سألتي ع الاقل عن اسم الغسووول وعقب تاخذينه من الصيدليه اذاا المستشفى مب موفرين هالاشياء
اضني هم ما يعطون اي شي
بس انج تهتمين بالنظافه
انا وايد مهتمه ،. بس احاتي الشي لان قام يعور
وعشان تطمنين روحي عند دكتوورتج اللي تعالجين وياهاا في فترة الحمل وخبريها عن العوار
وما عليج شر ان شاء الله
انا عندي خبرة بما ان عندي 3 ماشالله الله يحفظهم والرابع المفروض ايي هالايام
حبيبتي الخياطه مووووووول لا تحطيلها شي بس اغسليها بماي دافي ونشفيها زين .. ووقت النوم امسحي المكان بقطنة زيت زيتون
وخلال عشر ايام من اول يوم للولاده اذا ما تحسنت حالتج .. معناتها انهم شادين عالخياطه عشان جي تحسن بالألم + احتمال خوفج من تنشيف المكان سببلج التهاب
ونصيحتي لج دايما فليل قبل لا تنامين اتودني في الحوض بماي دافي الى حار نسبيا مدة 15 دقيقه عالاقل وايد بيساعدج هاشي انج ترتاحين .
اتمنى اكون فدتج ..
عموما المفروض بعد اسبوع من الولاده تراجعين دكتورتج عشان تشوف الخياطه
الله يقومج بسلامه ويسهل علي وعلى جميع الحوامل اللهم امين