سلام الله على يميع بنوتات وحريمات المدونة
عساكم بخير وعافيه غالياتي
بنوتاات موضوعي هو عن النظرة الشرعية
بغيت كل وحده معرسه او انها مالجه او مخطوبة تخبرناا عن الي صار لهاا يوم النظرة الشرعيه
يعني بهاليوم لمن يه الخطيب ويا اهله كيف تصرفتي ؟
شو لبستي لهاليوم ؟
شو سولفتوا انتي واهله لمن تكونين يالسه عندهم ؟
هل كلمتي ريلج لمن دخل يشوفج او انتي رحتي له هل قلتو شي ؟
ويعني كل وحده تقول لناا كيف كاان يومهاا
تفيدناا ويعني علشان نعرف نتصرف لو مريناا بهالموقف
وعسى ربي يوفقناا ان شاء الله
ويرزق كل بنوته بالزوج الصالح اللهم آآمين
تعاااااااااااااااااااااااااااااااااااالي
لا تظهرين الا وتتركين لي تعليق او موقف صار وياج ودي يعني يكون عندي خبره لو يه هاليوم
اعرف كيف اتصرف لان بصراحه بصراحه قريب هاليوم وودي آخذ خبره خخخخخخخ
يزاكم الله خير وبركة
اللهم يا ذا الرحمة الواسعة يا مطلعا على السرائر و الضمائر و الهواجس و الخواطر
, لا يعزب عنك شيء , أسألك فيض من فيضان فضلك , و قبضة من نور سلطانك ,
و أنسا ً و فرجاً من بحر كرمك , أنت بيدك الأمر كله و مقاليد كل شيء فهب لنا ما تقر به
أعيننا و تغنينا عن سؤال غيرك , فإنك واسع الكرم , كثير الجود , حسن الشيم , فببابك
واقفون و لجودك الواسع المعروف منتظرون يا كريم يا رحيم
بخير ربي يعافيج اختيه .. انتي شحالج عساج بخير وعافية ؟
عيبني موضوعج وتذكرت عمري فهاليوم و ضحكت من الخاطر بعد
انا مخطوبة
يوم الشوفة الشرعة كان ياي ومعاه امه وخواته و اللي يصيرن بنات عمي
كنت لابسة كندورة مخورة وحطيت شويه كريم على ويهي وجحل وقلوس خفيف
كان هو قاعد مع اخويه و امي و امه و خواته عندي بالغرفة
الموقف اللي يضحك لما كانوا عند باب الحوش انا وخواتي نطالع من الدريشة وفجأة ظفري انكسر
كنت بصيح و الله يعني شكلك يبين لانه اظافري طويلة شوي ويبين الفرق
خواتي تناقعن عليه من الضحك و اللي تقولي قصي اطافرج الحين و اللي تقولي حطي لزقة عليه اونه جرح
و انا مارضيت بس سكت لما دخلن خواته عندي
بعد 10 دقايق دخلت امي تقول حق خواته يروحون يتفاولون و قالت لي اطلعي معاهم
هنيه بغيت اموت
خواته راحن ماعدا اخته اللي قدي و انا وايد وياها
هي تضحك عليه و انا بموت من الخوف لدرجة قلت لها خلاص ماابي روحوا بيتكم مع السلامة هههههه
نقعت ضحك لدرجة اللي برع طالعوها ويسالونها بلاج
هنيه استحيت و انخشيت وراها وخصوصا لانه هو يطالع صوبنا وهي ماشاء الله عليها دبة فانا اختفيت وراها
مشت جدامي و انا بعدي ما طلعت مختفية وراها
اوني استويت شجاعة وطليت براسي شويه الا واشوفه يطالعني عيني يات بعينه استحيت و استوت خدودي حمر من المستحى و هو ابتسم طبعا انا رديت انخشيت
لين ما قامت امه وخواته وسلمت عليهم و قعدت ينب امه اللي انا احبها و اموت فيها وعاد هنيه استلموني بالتعليقات ومرت عمي اللي هيه امه تنغزني بايدها و بالرمسة بعد
تقولي طالعيه عدل عادي لا تستحين
هو ما يشوفج الحين استغلي الفرصة
كنت بموت من الضحك و احس اني بنفجر بس مسكت عمري لا يطلع صوتي
بس اللي ريحني اختي الصغيرة رناد عمرها سنتين كانت قايمة من الرقاد وسيده يات قعدت علي انا هنيه تفديتها فخاطري مليون مرة وجيه صرت اشوفه و انا مرتاحة انه محد يحس عليه و الا يشوفني
صديت جم مرة وشفته يحاول يطالعني بس رناد اختي مغطية وخذوها مني و هي تصيح ما تبي تقوم كله علشان حضرته يشوفني
طبعا ما طولوا كلها نص ساعة وراحو و ماشاء الله خواتي ما قصرا هجوم عالاشياء اللي يايبينها معاهم حقي هههه
كل اللي كنت خايفة منه اني اضحك بصوت عالي لاني على الدقة بسرعة اضحك بس الحمد لله مسكت عمري
هذا اللي صار لي و اتريا ردود خواتي وموقفهم بعد
سلمتي الغلا عالموضوع الحلو
فديتج اناا بخير وعافيه وفي توتر ربي يشهد عليه بسبب احــم اكيد فهمتي خخخخخخ
فديتج والله يومج حلو وموقف حلو ربي يوفقج ان شاء الله وتسعدين ويتتم زواجكم على خير وسعادة يااارب
بس يالغلا المشكله لو كان الخطيب وااحد مو من المعارف ولا هو من ولد الجيران خخخخ
يعني وااحد غريب يابته حرمة او جارتكم عاااد ساعتهاا صج فشله لان لا امه ولا خواته ولاهو تعرفينهم
صج فشيله وأحراااااااااااااااااج واااايد والله يستر من هالموقف
تسلميييييين حبيبتي نورتي الصفحه والله
واترياااا ردود البنوتات والحريماات الباقيااات
بس انتي ادعيلناا الله يرزقناا بالريل الصالح ..
متابعتكن
ربي ارزق جميع بنوتاات المنتدى بالزوج الصالح اللهم آآآمين
بنوتاات حبيباتي كثرو من الأستغفااار وقضوا الفير كله بقراءة سورة البقرة كل يوم اقريهاا وادعي
وربج بيرزقج بكل الي تتمنيه وتبينه وبيسهل امورج وبيوفقج
عن تجربة بناات
مع الله مافي يأس ومافي شي مستحيل
ربي يوفقكم يميع
^.^
عقبالج ان شاء الله
ربي يرزقج بالزوج الصالح