السلام عليكم ورحمة الله وبركاته
:::::::::::::::::::::::::
اللي ما يعرفون يضبطون الخبيصه بحطه بالخطوات والشرح
بسم الله الرحمن الرحيم
انا استخدمت علبة سميد وحده
عقب حمسته لين صار لونه ذهبي ونخلته ( ممكن تخلينه اغمج حسب الذوق )
عقب حطيت في جدر ثاني ماي ( الكميه نفس قوطي السميد ) وهال وزعفران وسكر حسب الرغبه وسمن خنين تكفي ملعقتين طعام ( الماي والسميد بالتساوي لقياس )
ومن يفور الماي ضفت عليه السميد لمحمس واخلط بسرعه ولو شفتها جافه ازيد شوية سمن
من تستوي الخبيصه تحسين انها استوت كور صغار سكري على الجدر اربع او خمس دقايق على نار هاديه
وهاي النتيجه ( انا احبها فاتحه )
ملاحظه : لو بغيتي تسوينها بالطحين العادي تستخدمين نفس القوطي مال السميد
مقدار الطحين متساوي ويا مقدار الماي
وشكرا لكل من تزور او ترد على موضوعي
أنا اسوي نفس الطريقه بس أحمر السكر بعدين أضيف الماي
المشاركة الأصلية كتبت بواسطة salamaaaaa 
أنا اسوي نفس الطريقه بس أحمر السكر بعدين أضيف الماي
الطرشه اليايه بحمر السكر
ومشكوره عزيزتي
المشاركة الأصلية كتبت بواسطة منان الله يسلمج ويسلم غاليج