الحمل مع الرضاعه وانقطاع الدورة افيدوني لسلامتك

حبوبات ولدي عمره 10 شهور وانا ارضعه طبيعي 100% بدون صناعي كله معتمد ع صدري .. وانا مايتني الدورة من ربيت ولا مرة بسبب اعتمادي ع الرضاعه الطبيعية .. فكرنا انا وبعلي العزيز اني احمل عشان يكون سن عيالي متقارب .. المشكله انا ماتيني دورة وارضع طبيعي مثل ماتعرفون مانع طبيعي للحمل.. انزين شو الحل افيدوني

الحل انج تفطمينه اذا بغيتي تحملين خصه انها ما يتج الدوره

حبيبتي استمري بارضاع الطفل لاتحرميه حقه اللي سخر له رب العالمين
طفلك صغير ومحتاجك واذا حملتي توا بينظلم ويأثر عليه
وبعدين ماصارلك 10 شهور والدة خلي جسمك يرتاح ترا الحمل وراء بعض بيهد الحيل ويكبر الوحدة
ارتاحي سنة اخرى وبعدين احملي ولا تخافي بيكون سنهم متقارب
ولا تنسي كلام الله وفصاله في عامين ..

اصلا ما يصير تستمرين عالرضاعة اذا حملتي!! اسألي الدكاترة حتى
وغير جي ولدج ماشالله قريب سنة يعني حليب صدرج مول مايكفيه
انا اول مادخل ولدي ست شهور قمت اعطيه حليب صناعي وحليب صدري بعد لان حليب الصدر يقل مع الوقت والبيبي يحتاج منه كمية معينة مايقدر الصدر ينتجه لان احتياج الحليب اول 3 شهور غير عن بعد 3 شهور..
انصحج توقفين رضاعه..

ان شاء الله يفيدونج الحريم

مشكورة ..

انا ودي اعطي ولدي صناعي بس هو وايد متعلق ف صدري و وايد متعبني ماعرف شو الحل معاه

الله يرزقج
بس انتي ما عندج غير هولد