شخباركم بنات بدش في الموضوع على طول انا اليوم سرت العياده عشان افحص من بعد الولاده ما سرت وتفاجات اني حامل في الاسبوع الثالث والله بغيت اطيح من الصدمه لا يتني الدوره من بعد الاربعين ونا ارضع ولدي وعندي ولدين وبنت كلهم اعمارهم تحت الخمس سنوات وريلي في الدوام طول الدرب خالي يسالني اشفيج ما خبرته وما ادري اخبر ريلي ولا وشو بتكون ردت فعله بنات ادعوا لي لاني وايد تعبانه والحين نفسيتي تعبت اكثر بس ارجع واستغفر واقول الحمدلله على كل حال ابغيكم تدعون الله يقدرني ويعطيني الصحه واربي بالسلامه لاني توني مربيه من شهرين ونص والحمدلله على كل حال بس الي محيرني ردت فعل ريلي وهوبصراحه وايد يحب اليهال بس ما عندي طريقه اخبره فيها بدون ما اصدمه وياريت الي تعرف تخبرني والي عندها كلام جارح لا تقوله والله اني مب ناقصه والحمدلله على كل حال 
بالبررررررررررررررررررركة
افرحي هدية من الرحمن بتيج لا تزعلين وتأكدي الطريقة اللي بتنقلين فيها لريلج الخبر بتحدد ردة فعله لا تسخطين واحمدي ربج واهتمي بتغذيتج
افرحي هدية من الرحمن بتيج لا تزعلين وتأكدي الطريقة اللي بتنقلين فيها لريلج الخبر بتحدد ردة فعله لا تسخطين واحمدي ربج واهتمي بتغذيتج
الحمد لله على كل حال العالية صدقيني هذي نعمة من رب العالمين ولا تحاتين بيي في وقت تكون بنتج كبرت شوي وبتربينهم مع بعض مثل التوام
وعادي الغالية قولي لريلج أنا حامل حبيبي وأنتي تضحكين عادي مادامة يحب الأطفال بيتقبل الموضوع
شكرا خواتي ام تامي وخدوي وبدر البدور على الردود الطيبه والدعوات الحلوه والحمدلله انا اول ولاده ولدين توام والثانيه بنوته والصغير ولد والحين حامل ما اعرف حاسه بالذنب ناحيته واخاف اقصر في حقهم او اقصر في تربيتهم لا سمح الله وشكرا للدعوات ولكم بالمثل بس ما خبروتني اتصل اخبره ولا اتريه ايي من الدوام واخبره والله اني احاتي كيف اخبره والسموحه
صدقيني ربي ماكتبلج الا الخير وبعدين يوم بتشوفينهم اكبرو بتقولين الحمدلله ..
حريم وايد والله يتصايحن يريدن عيال ..
بالبركه حبيبتي
لان الياهل يتم 9 شهور
يعني لين تربين ان شاء الله ولدج بيكون سنه وشي
لاتحاتين
وادعيلي اول ماربي احمل بتوام
>ادري الكل ينتقد ويقول ربي وجربي الربى وصدعه الراس
بس حلاتهم اليهال
الله يرزق المحرومين يارب
مبروك يالغالية .. وربي يهونها عليج نعمة من رب العالمين .. وحبيببتي اتريي ريلج إيي من الدوام وخبريه وإن شاء الله خير =)