خواتي كان هذا موضوعي اللي حطيته من فتره
https://forum.uaewomen.net/showthread.php?t=505249
والحمدلله أشكر كل الخواتي اللي راسلوني على الخاص واللي نصحوني على العام ،،، صدق حسيت أني بديت أحرك عمري والمفاجأه أن ريلي لاحظ التغير وعزمني على فندق رومنسي وبخبركم شو سويت
اول شي حطيت في بالي أني لازم أتغير إرادتي قويه ان شاء الله
ثاني شي اشتركت بنادي رياضي
ثالث شي اشركت بنظام غذائي مع الدكتور نيوترشن
سرت ورتبت كبتي واتشريت لي تنانيبر وبجامات وفصلت علي عباتين راقيات ،،،
وسرت صيدليه واشتريت لي أدويه لويهي طبعا بإستشارة الدكتور ،
شو اقدر أسوي غيييير جييييييه ،،، خلكم ويااااااي ما أبه ريلي يضيع مني وأكون انا السبب
أتريا نصايحكم حبايبي
انتي الحينه الي اشتركتي فيه داوووومي عليه ،، وحطي في بالج انه فتره وبتعدي انشالله وعقب بتمين بس اتحافظين على جسمج وكل مره نوعي مره اجهزه ومره تمارين ومره سباحه واذا ما تعرفين السباحه اتعلمين يقووولج اتشد الجسم كامل واكيد هذا بيكوون احلى شي
وكل مره خذي مثل صوورة وحده عيبج لبسها او ستايلها وما يكووون مثل ستايلج الي دوم متعوده عليج وحاوولي تشترين الأشيا الي لابستنها مثل قصة التنووره او الحزام او القميص او الفستان وكل مره خليج باللوك
واهم شي الصوالين وقصة الشعر والصبغه لازم اتسويله نيو لوك واتعذبين بو الشباب 
والحمام المغربي والحلاوه …
ماشالله عليج الله يثبتج ع هالشي يارب …. ويهنيج ويا ريلج
عقبالي
بس تعرفين انا مثلن احب الحرمه اللي تخلي ريلها يشاركها
بقولج كيف
انتي مثلن تبين تضعفين والحمد لله مشتركه بنادي وتهتمين بأكلج وجي
بتقوليلي كيف اشرك ريلي في هالسالفة
بقولج : دايما اشريله انه انت السبب
انا متنت صح واهلمت نفسي صح .. بس ..والحين ابا ارد مثل قبل
ومحد بساعدني ماديا ومعنويا وبشجعني غيرك انت
قوليله اباك توقف معاي وتدعمني عشان اكون لك مثل ما تباني ^^
سويلج نظام اسبوعي ..مثلن اذا نقصتي كم كيلو في الاسبوع احتفلي معاه بهالمناسبه
شاركيه الفرحه
اشتري ميزان وكل اسبوع قيسي وزنج ( مب كل يوم ) وناديه يشوفه معاج
واستانسي حتى لو نقصتي نص كيلو
وقوليله ابا هديه منك حتى لو ورده ^^
خليه دوم يفكر فيج وكيف يسعدج عشان تهتمين بعمرج اكثر
سويلج جدول شهري بالمناسبات التحفيزية وخليه يشاركج في نص المناسبات
وعشان نفسيتج .. حطي جوايز او حوافز لو نقصتي الاسبوع الياي 2 كيلو مثلن .. انج بتسيرين الصالون وبتتحنين
لو عقب شهر نققصتي 4 كيلو او اكثر بتروحين ويا ريلج فندق او بتسهرين وياه في مكان حلوو
لو كنتو في البيت وانتي تبين تسوين تمارين لمدة ساعه .. خلي ريلج وهو يقرى جريده او يالس عالاب توب يعدلج واحد اثنين .. او يحسب لج ساعه كامله
قوليله انا بسير اتمرن شوي انت احسبلي ساعه وذكرني فيها
وانتي تتمرينين كل شوي روحي عنده واساليه.. خلصت الساعه .. خلصت الساعه .. كم باقيلي .. اوه تعبت .. تعال ونسني .. وجي من هالكلام ..بس لاتزودينها عشان ما يمل خخ
او خليه في الويكند يتمرن معاج شو فيها .. اشتروو جواتي رياضة .. وملابس .. وسيرو الكورنيش او في البيت شو فيها
هاي افكار تشجعج .. وتخلي ريلج يتحمس وياج ويذكرج فيها ^_^
وبالتوفيييييييييييييق حبيبتي وان شاء الله تفرحين بعمرج وباهتمامج