الحقوا عليه قبل لا اختفي عن وجه الارض للحم الصحي

شحالكم؟

ان شاء الله بخير و سهاله

بنات انا بخبركم عن معاناتي و يارييييييييت تساعدوووني لاني احس اني خلاص بختفي من الضعف

انا يوم كنت في الاعداديه طولي 160 و وزني 53 وااايد اووكي كنت و صحه فيني

لكن يوم وصلت ثالث عدادي فجأه ياني التهاب في القولون و مرضت من الخاطر لكن محد من اهلي كان متفيج

امي كانت مسافره تتعالج و ابويه ما يعرف في هالاشيااء و يوم رجعت امي كل ما اتعب توديني كل مره مستشفى و يعطوني مضاد حيوي و انا المضاد ما اتحمله
و زاد ع القولون عندي المعده اهئ اهئ

تخيلوا كملت 4 سنين اعاني و لا حد داري بحالي و وزني كل شوي و نزل

طولت طولت لين وصلت 165 طولي و وزني ينزل اول شي وصل 47 و وقف ما طاع يزيد

بعدين يوم خلصت ثالث ثنوي ع طول سويت عمليه منظار و ياخذون عينه و الخ عشان اروح اتعالج

و من العمليه وصل وزني 43

و بعدين سافرت المانيا اتعالج و الحمدلله ع كل حال مع اني ما احس بفرق وايد في حالتيه لكن

صحتيه ادهورت و تدرون اجهزه المناعه اكثر شي في القولون و الالتهاب تقريبا دمرها

و انا الحين من اي شي امرض تخيلو كملت مزجمه شهرين بس عشان وحده تقرب لي يت تسلم علينا في المانيا قبل لا تروح يعني لا وايهتها و لا شي لكن تعاديت منها

و هني كل ما حد يمرض القط المرض والله مستويه هب شي صحتيه

و زااادني الزووود يوم عقيت التقويم قالوا شلي ضروس العقل لانه مالهن مكان يطلعن و بيشوهن ويهج
اول ضرس شليته والله تعبت ويهي ورم و ممنوع طول اسبوع اكل اي شي مع عدا مهرووس و مادري شوو يعني تلوع جبده الواحد

و امس شليت الضرس الثاني و الله لا يراويكم تقول حد فالعني ع ويهي وااااااااااارم بشكل ما تتصوروونه و مزرق بعد

و الحين وزني 45 و لا اقدر ازييده و انا في هاذي الحاله ما اروم اكل عشان يزيد و انا اخذ فيتامينات
لانه فيني انيميا لكن مب وايد بسبت القولون استوالي نزيف و نقص الدم فيني اريد وزني يكون ع الاقل 53 مثل قبل عشان يكون صحي ع الاقل

احاول امتن لكن ما اقدر و الدكتور في المانيا قال لازم لازم اكل 5 وجبات في اليوم

و انا اكل وجبه او 2 بالكثير و السبب المرض و التعب ما اقدر اكل و لا اشتهي المهرووس اهئ اهئ جني عيوز

تخيلو انا موقفه كووورس عشان استريح يعني ما بديت ادرس في الجامعه بعدني و ببدا شهر 2 و بكيون اول مره ادش جامعه و الكل ينقص وزنه من المشي … و انا شو بيستوي فيني؟؟

و اريد اكون في العيد منوره مب شرات العيد الي طاف محمومه و الويه محمر من الحراره و اصفر و مادري كيف >_<

بناات الله يخليكم ياريت تساعدوني والله حالتيه صعبه

ما خليت لا مطوع و لا شي ما سويته قلت يمكن حسد و الا شي

لكن هالشي مرض و الحمدلله ع الابتلاء لكن اريد اعيش طبيعي و بصحتيه لو شوي

اي وحده تحدر تحاول تساعدني و الا ما تقدر بقدر منها دعوه

دعوه الغريب للغريب مستجااابه

الله يوفقكم دنيا و آخره و لا يضيع رزقكم من الدنيا و يارب يتقبل كل دعوه دعيتوها