هذا رابط الجزء الأول ..
https://forum.uaewomen.net/showthread.php?t=334892
واللي انغلق بسبب كثرة الردود ..
وان شالله نكمل يومياتنا هني ..
طبعا الموضوع الأول نزلت من اول ما فتحته 17 كيلو في 3 شهور تقريبا
اول مانزلت الجزء الأول كان وزني 111,4 كيلو .. وبداية الجزء الثاني (اليوم) وزني 95,3
ويلا نبا مشاركاتكم ويومياتكم
سوري صارلي 3 أيام ما أكتب يومياتي .. وفي هالثلاث ايام كسرت الريجيم شوي وكثرت من كمية العيش عشان ماصار ينزل وزني وايد شرات قبل
فقلت خليني اكسر الريجيم .. وان شالله من اليوم ببدأ اكتب يومياتي مره ثانية
وهذا جدول اليوم
الريوق :
كرك + شريحتين خبز اسمر + بيض مسلوق
الغدا :
غرفة ملاس عيش مصري مع صالونة قرنبيط باللحم
العشا :
عيش ملون مع قطعة كباب من مطعم بارس .. (ماروم اقاوم الكباب الايراني )
والسموحة ماصورت لان كنا في بيت ربيعتي واستحيت اصور
المتسابقة رقم (5)
الف مبروك نزول 17 كيلو
ماشاء الله عليك عيني عليك باردة
الصراحة كفوووووووووو عليج
عطيتني حافز قوي اني اواصل رجيمي عشان اضعف
احلى شي في الدنيا ان الواحد ينزل وزنه ويوصل للوزن اللي يبغيه عشان صحتنا
و مبرووووووووووووووووووووووووووووك مرة ثانية يا هموسة يا عسل
والله كفاية انج تنزلين كيلو او كيلو ونص في الاسبوع ,,
يعني ان بديت نص شهر 10 ,, وان شالله لين شهر 6 بوصل للمطلوب
آكل كل شي يخطر على بالكم .. بس الكميات وطريقة الطبخ اختلفت
والحمدلله انا راضية ومستانسة وااااايد
مع انه النظام نفسه ما تغير غير واسوي رياضه يوميا
يمكن كل اسبوعين ينزل وزني ما ادري !!
اليوم فطوري : خبز عادي مع جبن لايت وشوية زعتر بدون زيت
بعدها طلعت برع ووزنت وياني احباط لانه وزني نفس ما هو
جان اسير الكوفي شوب واكل كيك سعراته الحراريه وايد عاليه ههههه انتقام
وشربت نسكافيه بس بدون سكر
و كلت تفاحه وكلت جلوكز سبيشل اللي فيه 50 % فروت
بس عقب رديت وقلت ما فيها شي بينزل شوي شوي دامه نزل يعني مصيره بينزل بس ابى اراده وصبر
جان امر الجمعيه واشترين كورن فليكس سبيشل واشترين حليب لو فات دورت منزوع الدسم ما لقيت
واشتريت خبز اسمر ..
وتعشيت سندويجتين خبز اسمر مع بيض مطبوخ مع زبده قليلة الدسم و طماط
وشربت شاي اخضر
ودي اصور بس ما اعرف اصغر الصور .. الصور وايد كبيره تطلع عندي فالصفحه ..
والى الامام