"الجزء الثاني" لغير المتزوجات اللي دخلوا عمر 30 وبس بليييز اللي أقل ما تدخل(للمواطنات لتربية طفلك

السلاااااااااااااااااااااام علييييييييييييييييييييكم

ولا تزعلون ما بنقطع التواصل إن شاءالله

https://forum.uaewomen.net/showthread.php?t=387829

الموضوع استنفذ عدد المشاركات المقررة 500 مشاركة

يغلق

أم حمد…. المشرفة

أحب أشكر كل اللي شااااااااااااااااارك في موضوعي… وتفاعلكم إن دل دل على التكاتف مع بعض

والله يفرحنا بالجميييييييييييييع

السلام عليكم :
هذا موضوع للمواطنات فقط عشان مصير بلادنا ومصيرنا…. ف لوسمحتوا اللي مب مواطنة أو من مجلس التعاون لا تشارك… قضية خااااصة بالإمارات ( وبدون تعليق وارجوا احترام الرأي)

بنات حبيت أناقش معاكم موضوع, أنا في تاريخ 12 يناير دخلت ال 30 أو يمكن ال31 بس مواليد 78 شكلي ولله الحمد أبدا ما ينبان علي إني جي الكل يتحراني 25 أو حتى 23 وحتى ويهي بيبي فيسBabu face المهم أسأل ليش وصلنا هذا العمر وبعدنا ما عرسنا ,, ما شاءالله الحمدالله نشتغل وراتبنا عاااالي ونسوق سيارة وجامعيات ومحجبات وملتزمات يعني ما علينا زود والحمدالله…
(طبعا ما أعم هذي الصفات يعني ما أرمس عن الكل)

أتسآل شووووووووووو هي الأسباب :

هل الشاب ما يريد يتزوج وحده من مكان شغله…. طبعا هاي عقلية محدودة ومتخلفة

هل الشاب ما يريد وحده عمرها فوق ال 25 أو 29 أو 30 ….طبعا يريد وحده صغيرة أونه عشان يشكلها ع كيفه

هل الشاب يريد يعتمد على أهله في إختيار الزوجة…. وطبعا هاي شخصية ما عنده قرار وما يقدر يتخذ قرار بروحه

هل الحرام صار متوفر وعادي الحصول عليه فيقول الشاب ليش أتزوج دام اللي أباه أقدر أحصل عليه

هل يريد يلعب ويوم اتصارحه بالإرتباط يختفي… ليش

الصراحة انصدمت من حد عمره 32 وخطب بنت عمرها 22 يعني شو هذا المنطق وليش الأهل ما ينصحون أولادهم أو حتى نحن ما ننصح إخواننا…..

في حل إن بنت العشرين ما تستعيل ع الزواج وتقبل بواحد أكبر عنها بعشر سنوات عشان تعطي المجال ل بنت ال30 وتعطيها فرصة لأن بنت ال20 لاااااااااااااحقة عالزواج صح هذا العمر مطلوب من قبل الشباب الكبار لكن لو كل وحدة رفضت صدقوني هم بيختارون وحده في سنهم

يعني إحنا شو مصيرنا والعنوسة زااااااايده وخااااصة في مجتمع الإمارات والعمر يمضي واحنا مب حااااسين,,,,,

وأنا الصراحة ألوم البنات بعد,, اللي جدامهم كل هالبنات وعندهم ربيعات وما يفكرون يخطبونهم لأي حد من أهلهم أو حتى ينعتونهم للغير ليش هالأنانية وعدم حب الخير للغير وتكونين حقودة ساعدي واخطبي لغيرج الله بييسر أمرج….

جوفوا استوا في البيوت 3 أو 4 بنات فوق ال 25 وبعدهم ما عرسوا يعني أحسها قضية لالالالالالازم يتنبهون لها الشباب

على آخر زمن صرنا نقبل بالخطابة وصرنا نقبل بالمتزوج أو باللي أصغر منا بعشر سنوات…. وصارت عدنا تنازلات وااايده….حتى في قيمة المهر

والله المستعان وتكون 2024 سنة خييير عالجميع يارب

انا بعدني ما دخلت الثلاثين ومعرسه بس حبيت اشارك واقووووووول رايي فديتج كل واحد في هالدنيا ما ياخذ غير نصيبه والله العالم كل وحده شو نصيبها وما نقدر نمنع البنت اللي في العشرينات انها ترفض الشاب اللي يتقدملها ويمكن الواحد او الوحده تصك الاربعين وما تتزوج نحن ما بنذكر هالاسباب لان الزواج رزق والرازق رب العالمين والله يرزقج ان شا الله بولد الحلال اللي يسعدج وبعدين لا تشلين هم الدنيا لاني اعرف بنات صكو 37 وتزوجو ومرتاحين .

كل النصيب مب من حقج اتلومين البنات
وشو يعني اذا وحده عمرها 20 خذت واحد عمره 30 مب مشكله
المهم انهم ايكونون متفاهمين
ولازم اتعرفين انا كل شي في هذي الدنيا النصيب
اذا كان نصيبج في الدينا ان شا الله بتاخذينه
والله يهديج

الله يرزقج و يرزق كل وحدة بالزووج الصالح

اميييييين يارب العالمين