بسم الله الرحمن الرحيم
شخباركم حريم وبنوتات
حبيتكم تشاركوني تجربتي واللي كانت حلوة وسهله وااااايد بس يبيلها شوية ثقه
وفي موضوعي هذا أبيكم تشاركوني تجربتي في عالم الأصباغ والديكوريشن
في جزئئ الأول بديت بالمطبخ لأنه شوي صغنوني يحليله ونبدأ بالأساسيات قبل كل شي
اول شي قبل الصبغ يفضل تفريغ مساحة العمل تماما
ثانيا مسح الاسطح المراد العمل عليها بقطعة قماش مبلوله عشان الغبار يروح عنها
خاصه في زوايا السقف تكون فيها ساعات عناكب ولا حشرات صغيرة
بعدين قومي بنزع جميع الاشياء الموجوده يعني مسامير براويز مثبته على الجدار مثل برواز الشباك برواز المكيف
استخدمي الجرايد لتغطية الارضيات والاثاث
قومي بتغطية كل شيء لم تخرجيه من الغرفه مثل نجفات مروحه بطريقه جيده واستعيني باللصق العرض لحمايته من السقوط
انا استخدمت لزق خاص بالجدران مش العادي لاحظوا شو مكتوب عليه
انزعي افياش الكهرباء فقط فكي البراغي حتي تحرريها من الجدار بدون نزع الاسلاك من مكانها وغلفيها بالتيب العريض "اللاصق العريض "
انا مانزعتها بس لزقت حوليها
ملاحظه
يجب اختيار فرش الالوان المناسبه والجيده حتي لا يسقط الفروا المجود عليها او الشعر على الجدار اثناء الصبغ
انتبهي اذا كنتي ستصبغين الجزء العلوي هناك عصا اضافيه ممكن التحكم في طولها من اجل الاماكن العاليه
لا تنسي القفازات والملابس الطويله حتي تتقى الطلاء وكذلك احرصي على تغطية الشعر جيدا
انا إخترت اللون الأحمر لمطبخي وبعد فتح علبة الصبغ لازم نتأكد من إمتزاج اللون عدل بالعلبة قبل الإستخدام
بإستخدام عصا خشبيه ونحرك بالصبغ والصبغ اللي عندي من النوع المائي فإحتاج أمزجه بقليل من الماي طبعا نسبة 10% من نسبة الصبغ
وعقب المزج بالماي طبعا يكون بطبق مش بالعلبه نفسها انا استخدمت هالأدوات 
ومزجت فيه الكميه اللي ابغيها
في البداية بإستخدام فرشة عريضه نصبغ الزوايه والأطراف اللي صعب توصلها الروله
[IMG]https://www.rakwolf.org/images/4vmhoc3r8v8f88***8yg.jpg[/IMG]
بعد ماننتهي من الأطراف نستخدم الروله لصبغ الباقي من الجدار بكل حريه من غير ما تخافين انه الروله تروح بالغلط على السقف او على إطار الباب
وتكون حركتنا بالروله على شكل إكس أو دابليو X or W
يتبع …………
بعد ماتخلصين تتركينها تنشف أقل شي 6 ساعات أو على حسب نوعيتة الصبغ اللي عندج
أنا ستخدمت مائي لزمني 6 ساعات بس الزيتي لازم 24 ساعه
وانزعي الشرايط اللي ملزقه بعد ماتخلصين من الصبغ وهي رطبه لأنها ان نشفت بتتكسر إذا نزعتيها
بعد مانخلص من الصبغ الأساسي ننتقل للمرحلة الثانيه وهي الطباعه على طريقة الإستنسل
طبعا الأدوات المطلوبه بالإستنسل
ورق مقوى شفاف بس انا استخدمت الوسيله البيضة قالب النسخ او الرسمه اللي نبي ننسخها
قلم رصاص + مساحه للتعديل + قطاعه الموس
اذا كنتي شاطرة بالرسم اختاري لج رسمه وانسخيها على قياس أكبر او تقدرين تشفينها من المواقع
الخاصه بقوالب الاستنسل وممكن تحصلين قوالب إستنسل جاهزة بالمكتبات العامه
نثبت القالب المطلوب على الجدار بإستخدام لزق الجدار الخاص عشان مايخرب الصبغه الحمرا بعد مانشيل اللزقه
ونبدأ الطباعه بطريقة الاستنسل اللتي تعتمد الضرب العامودي بالفرشاه
لاحظوا لمعة الذهبي على الأحمر رووووعه
هني غيرت القوالب بس نسيت أصوره
وهاي الرسمه بالايد مباشرة من غير قالب
وفي الختام أتمنى غالياتي أن ينال إعجابكم تطبيقي وأستفدتم من شرحي
وأي إستفسار انا حاضرة لكن على العام ودعوة طيبه منكم وان لقيت تشجيع بكمل معاكم الجزء الثاني
إن شاء الله والله ولي التوفيق
وأحب أشكر إختي اللي ساعدتني في نقش القوالب و زوجي اللي عاوني بصبغ الأساس
وأحلل نقل موضوعي لكن بشرط ذكر المصدر
ودمتم بخير إختكم ::
عطر البنفسج
الذهبي والاحمر يجنن
عشان تكون صالحه للإستخدام في المرة اليايه
